افغانستان جمهورلیک ریاست نامزدلریدن بیری و حکومت اجراییه باشلیغی داکتر عبدالله عبدالله نینگ ایتیشیچه، امنیتی کوچلرگه نسبتن حکومت رسمی‌لریدن بیرقطاری نینگ ایشانچسیزلیگی باعث، اوشبو رسمی‌لر عسکری قطعه‌لردن کوریب چیقیش‌ده عسکرلرنینگ قوراللرینی سوزنک‌لری چیقاریله‌دی.
شونینگدیک، جناب عبدالله نینگ ایتیشیچه، ناتوغری و اوزباشیمچه‌لیک سیاست‌لر باعث، حکومت گه نسبتن اهالی ایشانچی کمه‌یگن و دولت بیلن اهالی آره‌سیده‌گی آلیس‌لیک کوپه‌یگن.
اجراییه باشلیغی، کابل غربی ده بیر توی مراسمی ده یوز بیرگن خودکش هجوم گه اشاره قیلیب ایتیشیچه، عصیانچی گروهلر تورلی بهانه‌لر بیلن گناه‌سیز کیشی‌لرنی اولدیریشه‌دی.
اونگه کوره، طالبان گروهی مملکت ده اوروش گه اسرار قیلگنی باعث، داعش گروهی فعالیت گه باشله‌گن.
افغانستانده داعش گروهی دن آت توتیلیشی گه طالبان گروهی سبب بولگن؛ چونکه طالبان گروهی اوروش دوامی اوستیگه تأکیدلب و تینچلیک‌که تیارگرلیک کورستمه‌گن.
جمهورلیک ریاست سیلاوی نینگ یولگه قوییلیش زمانی یقینلشگن بیرچاغده، سیلاو کمپاین‌لری شدتلشگن و جمهورلیک ریاست نامزدلریدن بیری و جمهور رئیس اشرف غنی دن تنقیدلر کوپه‌یگن.
