اوتگن کیچه خوست پولیس قومندانی سیداحمدبابازی، کاتبی و ایکی قوریقچیسی بیلن یول چیککه‌سیده ییرلشتیریلگن ماین پارتلشی باعث جان بیردی.
ایچکی ایشلر وزیرلیگی سوزلاوچیسی طارق آرین بو خبرنی تصدیق‌لب ایتیشیچه، سیداحمد بابازی طالبان گروهی نینگ هجومی نی دفع قیلیش اوچون مذکور ولایت نینگ نادرشاه کوت تومنی تامان کیته‌دیگن بیرچاغده، یول چیککه‌سیده جایلشتیریلگن ماین گه دوچ کیلیب هلاک بولگن.
خوست حاکمی محمدحلیم فدایی نینگ سلام وطندارگه ایتیشیچه، شونینگدیک مذکور پارتلش‌ده جناب بابازی نینگ کاتبی و ایکی قوریقچیسی هلاک بولگن.
جناب فدایی گه کوره، اوتگن کیچه طالبان گروهی نادرشاه کوت تومنی نینگ خواجه رحیم منطقه‌سیده جایلشگن بیر پوسته اوستیگه هجوم قیلگن ایکن و پولیس قومندانی بو هجوم نی دفع قیلیش اوچون مذکور تومن تامان یول آلگن بیرحالده، یول چیککه‌سیده ییرلشتیریلگن ماین پارتلشی باعث جان بیرگن.
بابازی اوتگن ییل ثور آیی‌ده خوست پولیس قومندانی صفتیده تعیین ایتیلگن ایدی.
خوست مسئوللری نینگ ایتیش‌لریچه، طالبان نیچه پیتدن بویان بو ولایت نینگ نادرشاه کوت تومنیده فعالیت قیله‌دی.
طالبان گروهی حاضرگچه بو توغریده فکر بیلدیرمه‌گن.
