خوست ولایتی‌نینگ صبریو، باک، زازی میدان و علی‌شیر تومن لری یشاوچی‌لری و ولایت کینگشی اعضالری ساغلیق خذمت‌لر بولمه‌گن‌لیگیدن شکایت قیلگن‌لر.
ولایت ساغلیق کمیته‌سی‌نینگ اعضاسی همده ولایت کینگشی نماینده‌سی نورشاه دورانی ولایت‌نینگ نفوسی‌گه قره‌گنده موجود صحی حذمت‌لر اهالی معماسینی بر طرف ایتله آلمه‌یدی دیگن. جناب نورانی‌گه کوره، مرکزیگه یقین تومن‌لریگه قره‌گنده اوزاق حدودلرده جایلیشگن تومن‌لرده بو توغریده جدی قیینچلیککه روپه ره.
ایتیلیشیچه، خوست ولایتی‌ده‌گی 100 بسترلیک ساغلیق‌نی سقلش اداره‌سی برچه کسل‌لر اوچون ییترلی ایمس.
نورشاه درانی، ولایت اهالی‌سی‌نینگ دولت‌دن اساسی ایستک‌لری زمانوی سویه‌ده ساغلیق‌نی سقلش مرکزی قوریب بیریش بولگن لیگینی ایتگن.
ولایت ساغلیق‌نی سقلش اداره‌سیده‌گی موجود معمالرنی تصدیقله‌گن شفاخانه باشلیغی دکتر گل محمددین محمدی، هنوزگچه ولایت ساغلیق خدمت‌لری مساله‌سی بوتونلی حل ایتیلمه‌گن دیگن. او، ایریم قیینچی‌لیکلر باعث ولایت‌نینگ اوزاق حدودلریده صحی خذمت‌لرنی ییتکزیش ممکن ایمس دیدی. عین حالده، او 30 بسترلیک بیر شفاخانه قوریلیش بودجه‌سی مالیه وزیرلیگی‌دن آلینگن ایشی جاری ییل‌ده بشلنه دی دیگن.
خوست ولایتی‌نینگ اهالی‌سی‌گه کوره، دایم ولایت‌ده صحی معمالر موجود؛ اما، بو قیینچیلیک قیش‌ده کوپیه‌دی. ساغلیق‌نی سلقش مرکزیگه آلیب کیلینه دیگن‌لرکسللر تصادف تیریک قاله‌دی
