خوست ولایتی‌نینگ علیشیر ولسوال‌لیگی‌گه توشیب پارتله‌گن نیچه راکت عاقبتی‌ده 5 کیشی حیات‌دن کوز یومگن. ایتیلیشیچه، اون انسان آغیر و یینگیل یره‌لنگن.
خوست ولایت والی‌سی‌نینگ سوزلاووچی‌سی مبارزمحمد زدران نینگ سلام وطندارگه بیلدیریشیچه، هنوزگچه 7 راکت چرکوتی و 8 راکت ایسه ببرک‌تانی قیشلاق‌لری‌گه توشیب پارتله‌گن.
ایتیلیشیچه، مذکور راکت‌لر دیورند چیزیغی نریاغی‌دن آتیله‌دی.
ولسوال‌لیک‌نینگ قوم یاش اولوغ‌لریدن رمضان کوچی‌نینگ ایتیشیچه، دایم چیگره نریاغی‌دن آتیلگن راکت‌لر گواهی بوله‌دی‌لر؛ اما مذکور راکت‌لر اهالی استقامت قیلیمیدیگن منطقه‌لرگه توشیب پارتلشی اوچون کیشی‌گه جانی تلفات ییتمه‌گن.
دیورند چیزیغی نریاغی‌دن افغانستان توپراغی تامان راکت آتیلیشی ینگی بیر مساله ایمس البته، اوتگن ییل پاکستان تامانیدن آتیلگن یوزلب راکت کنرنینگ ایریم منطقه‌لریگه توشیب پارتله‌گن ایدی. اوشبو راکت‌لر هجومچی نتیجهسیده اونلب کیشی حیات‌دن کوز یومیب، خلققه کته مالی زیان ییتکیزگن ایدی.
سونگی بیر نیچه وقت ایچی‌ده افغانستان و پاکستان علاقه‌سی کوتیلمه‌گن درجه‌ده یخشی‌لشگن، لیکن مذکور راکت آتیش‌لر ینه ایکّی مملکت علاقه‌سیگه سلبی تاثیر قوییشی ممکن لیگی ایتیله‌دی.
