غزني پوليس قومنداني نينگ ايتيشيچه، اوتگن كيچه قوراللي طالب لر گروهي شكلده خواجه عمري تومني نينگ ولسوالليگي و خوفسيزليك آمريتي اوستيگه هجوم قيليب آتيشمه دن سونگ ولسوال، خوفسيزليك آمري و باشقه بيرقطار ملازملريني اولديرگن.
غزنی پولیس قومندانی جنرال محمدزمان، هجوم تلفاتی توغریسیده بیللی رقم ارایه قیلمیدی، بیراق اونینگ ایتیشیچه، ملی خوفسیزلیک و مذکور تومن‌نینگ بیرقطار ملازملری هلاک بولگن.
بیراق، غزنی ولایتی نینگ خوفسیزلیک مدیری رمضان علی محسنی نینگ ایتیشیچه، مذکور تومن ولسوالی و خوفسیزلیک آمری شامل 14 کیشی هلاک بولیب و باشقه 10 کیشی یره‌لنگن. اونینگ ایتیشیچه، اوشبو هجوم ده 40 طالب هلاک بولگن.
غزنی پولیس قومندانی نینگ ایتیشیچه، راکت اوقی بیلن نشان آلینگنی سبب تومن بناسی نینگ بیر بولیمی اوت آلگن. جنرال زمان‌نینگ ایتیشیچه، حاضرده امنیتی کوچلر ساحه‌گه باریب و ساحه‌نی نظارت گه آلگن‌لر.
خواجه عمری تومنی‌نینگ بناسی اوتکن کیچه‌‌ده‌گی هجوم نتیجه‌سیده زیان کورگن، حاضرده امنیتی کوچلر نظارتی‌ده دیر. اوشبو تومن قوم بویوک‌لریدن بیری محمد ایاز نعمتی‌‍نینگ امنیتی وضعیت دن خواطر بیلدیریب ایتیشیچه، مرکزی حکومت مذکور تومن امنیتی‌نی تامین‌لش اوچون سعی و حرکت قیلمه‌گن صورتده، اوزلری چاره تدبیر کوره‌دیلر. او، آتیشمه نتیجه‌سیده 14 کیشی هلاک بولگنینی تصدیق‌لیدی.
طالبلر مذکور تومن و پولیس قومندانلیگی‌نی نیچه ساعت نظارت گه آلگنینی ادعا قیلیب و امنیتی کوچلردن 20 کیشی‌نی اولدیرگن‌لرینی ایتگن.
