.jpg)
تخار ولایتی خواجه بهاءالدین تومنی‌نینگ بلدیه‌سی 1394-ییل درآمدنی دولت‌گه توللمه‌گن و دولت‌دن کمیده 3 میلیون افغانی قرضدار دیر. جاری ییل سنبله آینینگ 3- تاریخی‌گه محلی ارگان‌لر ادراه‌سی‌نینگ بلدیه‌لر بوییچه اورین باسری امضا‌سیده، ایچکی تفتش‌گه یوباریلگن مکتوب‌گه کوره، خواجه بهاءالدین بلدیه‌سی‌نینگ باشلیغی عزیزالله و درآمد مدیری عبدالحیکم اوشبو تومن درآمدیدن 3 میلیونی یوز مینگ افغانی‌سی دولت‌گه بیرمه‌گن.
شونینگدیک، 1397/8/14 تأریخی‌ده تخار حاکمی‌نینگ اورین باسری فرید ذکی تامانیدن قول قوییلیب خواجه بهاءالدین تومنی گه کیلگن 627 رقم‌لی مکتوب گه کوره، شهردار و اجراییه مدیری تیزلیک‌که دولت بیلن بولگن حساب‌لرینی تازه‌لش‌لری کیره‌ک؛ تازه‌لنمه‌گن صورتده، قاره‌لاوچیلیک‌که تانیشتیریلیش‌لری ممکن.
بیراق خواجه بهاءالدین تومنی‌نینگ بلدیه‌سی باشلیغی عزیزالله‌نینگ ایتیشیچه، او بلدیه درآمدی‌نی دولت خزانهسیگه تحویل بیرگن و یالغیز بلدیه اداره‌سی‌نینگ درآمد مدیری عبدالحکیم دولت‌دن 12 لک افغانی قرضدار دیر. جناب عزیزالله‌نینگ ایتیشیچه، بلدیه اداره‌سی درآمد مدیری‌نینگ حقوقی کم‌لیگی و مصارف‌لرنینگ کوپ بولگنی باعث، درآمد مدیری مذکور پول‌دن قوله‌نیش‌گه مجبور بولگن.
عین‌حالده، خواجه بهاءالدین بلدیه‌سی‌نینگ درآمد مدیری عبدالحکیم‌نینگ بلدیه درآمدیدن بیر بولیمی‌نی صرف‌لنگنی‌نی قبول قیله‌دی، بیراق 1396- ییلده کینگی‌تیریش بودجه منظور بولمه‌گنی باعث، اوشبو پول صرف‌لنگن. اونینگ ایتیشیچه، کینگی‌تیریش بودجه تخارنینگ او زمانده‌گی حاکمی داکترضیا تامانیدن منظور بولمه‌گن.
تخار ولایتی دشت قلعه تومنی‌نینگ بلدیه‌سی هم حاضرگه‌قدر 1397- ییل درآمدی‌نی دولت‌گه تحویل بیرمه‌گن. بیراق خواجه بهاءالدین بلدیه‌سی باشلیغی عزیزالله‌نینگ ایتیشیچه، جاری ییل درآمدی 50 لک افغانی بولیب وتیزلیک‌که دولت خزانهسیگه توللنه‌دی.
