افغانستان تینچلیگی بوییچه آمریکا خاص نماینده‌سی زلمی خلیلزاد نینگ ایتیشیچه، رمضان آیی انسانی ایشلر اوچون ساغلیک فاجعه یکونلنیشی گه قدر آتیش کیسین قبول قیلیش بیلن زوروانلیک میزانی نی کمه‌یتیریش و حربی هجومی عملیات‌لرنی توخته‌تیش اوچون طالبان گه فرصت بیره‌دی.
خلیلزاد بوگون (یکشبنه 7- ثور) بیر توییب یازیب ایتیشیچه، طالبان گروهی و افغانستان حکومتی محبوس‌لرنینگ آزاد قیلیش پروسه‌سینی تیزلشتیریش‌لری کیره‌ک. خلیلزاد نینگ کوپه‌یتیریشیچه، محبوسلر قوییب یوباریلیشی افغانستان‌لیکلرارا سوزلشوولر باشله‌نیشی گه زمینه خلق قیله‌دی.
او، محبوسلر قوییب یوباریش جریانی تیزلشتیریلیشی اوستیگه اورغوله‌گن بیرحالده، افغانستان حکومتی حاضرگچه 550 طالبان محبوسی نی قوییب یوبارگن و شونینگدیک طالبان امنیتی کوچلر نامی آستیده دولت نینگ 60 محبوسی نی قوییب یوبارگن.
خلیلزاد مذکور توییت نینگ دوامی ده ایتیشیچه، برچه تامانلر بوتونلی کوچلری نینگ کرونا ویروسی گه قرشی صرف‌لش‌لری کیره‌ک.
خلیلزاد طالبان گروهیدن زوروانلیک میزانی نینگ کمه‌یتیریش‌لرینی سوره‌گن بیرحالده، ایکی کون آلدین مملکت جمهوررئیسی محمداشرف غنی رمضانی آیی نینگ مناسبتی بیلن بیر پیام ترقه‌تیب، کرونا ویروسی کینگه‌یگنی اوچون طالبان گروهیدن آتیش کیسین اعلام قیلیش‌لرینی سوره‌دی، بیراق مذکور گروه جناب غنی گه رد جواب بیردی.
قطر ده طالبان سیاسی دفتری سوزلاوچی سهیل شاهین توییتری بیر پیام آرقه‌لی ایتیشیچه، اولر آمریکا بیلن امضالنگن تینچلیک کیلیشوونامه‌سیده، بیر میکانیزم نی قبول قیلگن کیم او عملی ایتیلگن صورتده تینچلیک و آتیش کیسین برقرار بولیشی ممکن.
مذکور پیام‌ده طالبان گروهی افغانستان حکومتی نی تینچلیک و آتیش کیسین برابریده توسیق‌لیک یره‌تیش گه عیبله‌گن.
