افغانستان تینچلیک لایحه‌سی بوییچه آمریکانی خاص نماینده‌سی زلمی خلیلزاد، سمنگان ولایتی نینگ ملی خوفسیزلیک ریاستی گه طالبان گروهی نینگ هجومی گه عکس‌العمل ایتیشیچه، مذکور گروه نینگ هجومینی دوامی دایمی آتیش‌کیسین و افغانلر ارا سوزلشوولر باشله‌نیشی خصوصیده زوروانلیک‌لر کمه‌یتیریلیشی توغریسیده بیرگن سوزلریگه قرشی دیر.
بوگون «سه‌شنبه، 24- سرطان» جناب خلیلزاد اوز توییتر صحیفه‌سیده طالبان گروهی نینگ هجومینی قاره‌لب و افغانستانده سونگی هفته‌لر و سونگی کونلرده زوروانلیک‌لر کوپه‌یگنیدن خواطر بیلدیریب ایتیشیچه، اوشبو زوروانلیک‌لر نتیجه‌سیده کوپینچه افغانلر سبب سیز هلاک ایتیله‌دی.
زلمی خلیلزاد بیر شهرنینگ مرکزی ده پارتلاوچی ماده تولدیریلگن موتر پارتله‌تیلگنینی قبول قیلینمس دیب ایتیشیچه، بو ایش تینچلیک‌که قرشی بولگن‌لرنینگ موضوعینی کوچه‌یتیریب و تینچلیک جریانینی بوزه‌دیگن‌لرگه کوپراق فرصت یره‌ته‌دی.
سمنگان ولایتی نینگ مرکزی ایبک شهریده ملی خوفسیزلیک ریاستی گه اویوشتیریلگن هجوم نتیجه‌سیده 2 عیال شامل مذکور ریاست نینگ 12 ایشلاوچیسی هلاک ایتیلگن و باشقه کوپینچه‌سی تینچ اهالی بولگن 63 کیشی یره‌لنگن.
اوشبو هجوم مسؤولیتی‌نی طالبان گروهی بوینیگه آلدی.
