خلق ارا کیچیریم تشکیلاتی نینگ ایتیشیچه، افغانستانده یوز بیرگن جنایت‌لرنی تیکشیریش رد ایتیلگنی خصوصیده خلق ارا جنایی محکمه قراری، اوروش قربانلری اوچون جوده هم آغیر بیر موضوع بولیب و بو محکمه نینگ ایشانچی‌نی کمه‌یتیره‌دی.
خلق ارا جنایی محکمه نینگ قراری، آمریکا بو محکمه‌نی تهدید قیلیب و اونینگ ییریک قاره‌لاوچیسی نینگ ویزهسینی بیکار قیلگنیدن نیچه اوتگنیدن سونگ، اعلان ایتیلگن؛ چونکه بو تدقیقات نی بیر قسمی آمریکا عسکرلری تامانیدن عمل‌گه آشیریلگن جنایت لر تیکشیریلیشی ایدی.
خلق ارا جنایی محکمه قاضی لری نینگ ایتیشیچه، بو قرار تدقیقات قیین‌چیلیک‌لری، حکومت یاردم بیرمه‌گنی و خرجت‌لرده بولگن چیکلاولر اساسیده، آلینگن.
عین حالده، خلق ارا کیچیریم تشکیلاتی نینگ جنوبی آسیا بولیم باشلیغی بیراج پاتنیک نینگ ایتیشیچه، افغانستان اوتگن بیر یریم دهه جریانیده اچینرلی جنایت‌لرگه گواه بولگن و خلق ارا جنایی محکمه نینگ بوگونکی قراری اوروش قربانلری اوچون جوده هم آغیر بیر موضوع بولیب و بو محکمه نینگ سوراققه دوچ کیلگن ایشانچی نی ایلگریدن کوره کوچسیزلنتیره‌دی.
اونینگ کوپه‌یتیریشیچه، خلق ارا جنایی محکمه تامانیدن ادعا قیلینگن دلیل‌لردن هیچ بیری، بو قرارنی آقله آلمه‌یدی. اچینرلی جنایت‌لر یالغیز یوز بیرگن ییرلریده تیکشیریله‌دی. بو تدقیقات خصوصیده، خلق ارا جنایی محکمه نینگ علاقه‌سیزلیگی، محکمه نینگ کوچسیزلیگی نی کورسته‌دی.
خلق ارا کیچیریم تشکیلاتی نینگ جنوبی آسیا بولیم باشلیغی گه کوره، افغانستانده یوز بیرگن جنایت قربانلری نینگ وضعیتی نی تیکشیریش اوچون خلق ارا جنایی محکمه نینگ قانونی و اخلاقی وظیفه‌سی بار.
شو توغریده…
آمریکا خلق ارا جنایی محکمه قاره‌لاوچیسی‌نینگ ویزهسینی بیکار قیلدی
