خصوصی میدیالرنینگ خبرچی‌لریدن بیرقطاری مملکتده معلومات‌لرگه قول تاپیش وضعیتی‌نی خواطرلنترووچی عنوان قیلیب و حکومتی اداره‌لرنینگ سوزلاوچی‌لری بیرقطار موضوع‌لر خصوصیده جواب قیتریش‌گه حاضر بولمهیدی و شونینگدیک، میدیالر بیلن سلیقه‌یی یانده‌شه‌دی دیدیلر.
خبرچی‌لرنینگ ایتیشیچه، حکومتی اداره‌لر جمله‌دن ایچکی ایشلر و مدافعه وزیرلیک‌لری، خوفسیزلیک کینگشی و جمهورلیک ریاستی میدیالر بیلن سلیقه‌یی یاندهشهدیلر و معلومات‌لرنی اوز زمانیده میدیالر بیلن شریک قیلمه‌یدیلر.
بیرقطار خبرچی‌لرنینگ اجتماعی ترماقلرده یازیشلریچه، بونده‌ی وضعیت دوام قیلگن صورتده، میدیالرنینگ مسووللری، میدیالر بیلن سلیقه‌یی شکلده یانده‌شگن سوزلاوچیلرنینگ کیم‌لیکلرینی فاش قیلیش‌لری ممکن.
معلومات‌لرگه قول تاپیش کمیسیونی باشلیغی عین‌الدین بهادری نینگ سلام‌وطندارگه ایتیشیچه، بیرقطار حکومتی نهادلرنی میدیالر بیلن سلیقه‌یی شکلده یانده‌شیش‌لری قابل قبول ایمس و بو ایش قانونگه قرشی دیر.
افغانستان بوییچه ایرکین میدیالردن حمایت قیلیووچی نهاد یا-ده (نی) باشلیغی مجیب خلوتگرنینگ سلام‌وطندارگه ایتیشیچه، سونگی کونلرده معلومات‌لرگه قول تاپیش خصوصیده بیرقطار قیین‌چیلیک‌لر موجود.
جمهورلیک ریاستی سوزلاوچیسی صدیق صدیقی نینگ ایتیشیچه، قطار مواردلرگه تنقیدلر صورت تاپگن. اونینگ ایتیشیچه، حکومتی نهادلر تنقیدلرنی برطرف قیلیش اوچون سعی و حرکت قیله‌دی.
