افغانستان بوییچه ایرکین میدیالردن حمایت قیلووچی اداره یا-ده نی تشکیلاتی‌نی اجراییه باشلیغی عبدالمجیب خلوتگرنینگ ایتیشیچه، اوتگن 17 ییل‌ده خبرچیلرگه قرشی یوز بیرگن واقعه‌لردن 95% تیکشیریلمه‌گن.
تدقیقاتچی خبرچی‌لردن بیری روح‌الله آرمان، خبرچیلرگه قرشی یوز بیرگن واقعه‌لر تیکشیریلگمه‌گنینی خواطرلی بیلیب ایتیشیچه، حکومت خبرچیلرگه قرشی یوز بیرگن واقعه‌لری تیکشیریلیشی خصوصیده، بیرگن وعده‌سینی عمل‌گه آشیرمه‌گن.
بوگون «شنبه» نماینده‌لر کینگشی نینگ باشلیغی میررحمان رحمانی، خبرچی‌لرنینگ قربانلیگی و فداکارلیک‌لریدن قدردانلیک قیلیشی‌گه علاوه، حکومت دن خبرچیلرگه قرشی یوز بیرگن واقعه‌لرنینگ عامل‌لرینی تانیب قانون گه تاپشیریشی‌نی سوره‌گن.
خبرچیلرگه قرشی یوز بیرگن واقعه‌لر تیکشیریلمه‌گنی خصوصیده، باش‌قاره‌لاوچیلیک فکرینی اورگه‌نیش اوچون علاقه قوردیک، بیراق کیین مه کیین قونغیراقلر نتیجه‌سیده مؤفق بولمه‌دیک.
افغانستان بوییچه خبرچی‌لر مرکزی نینگ معلوماتی گه کوره، افغانستانده قویاش 1380- ییل‌دن 1398- ییل‌گچه 109 خبرچی و میدیا ایشلاوچیسی هلاک ایتیلگن و بو جمله‌دن 15 ته‌سی عیال بولگن.
خبرچی‌لردن حمایت قیلووچی خلق ارا کمیته نینگ ییل‌لیک گزارشی اساسیده، خبرچی‌لرنینگ قاتل‌لری قانونی شکلده تیکشیریلمه‌گن نقطه‌ی نظریدن میلادی 2019- ییل‌ده دنیا مملکت‌لری نینگ درجه بندلیگی‌ده سومالی، سوریه، عراق، جنوبی سودان و فلیپین دن سونگ، افغانستان آلتینچی اورین ده توخته‌گن.
شو توغریده…
غور ولایتی‌نینگ خبرچیلری هیچ آیلیک آلمه‌یدیلر
