بوگون کابل‌ده خبری بیر ییغین اوتکزگن افغانستان ایرکین میدیالریدن حمایت ایتووچی نهاد یا-ده (نی) مسئوللری نینگ ایتیشیچه، سیلاولر پروسه‌سیده ناتینچلیک و معلوماتلرگه ییترلیچه قول تاپه آلمسلیک خبرچی‌لرنینگ برابریده بولگن قیینچلیک‌لردن دیر.
افغانستان ایرکین میدیالریدن حمایت ایتووچی نهاد یا-ده (نی) باشلیغی مجیب خلوتگرنینگ ایتیشیچه، سیلاولر کمیسیونلری و حکومت خبرچی‌لرنی معلوماتلرگه قول تاپیش موضوعی نی جدی آلیب و بو توغریده جدی اقدام قیلیشلری کیره‌ک.
سیلاولر ایرکین کمیسیونی سوزلاوچیسی ذبیح‌الله سادات نینگ ایتیشیچه، دولتی اداره‌لرنینگ توجه‌سیزلیگی خبرچی‌لرنینگ معلوماتلرگه قول تاپه آلمسلیکلریگه سبب بولگن.
جمهورلیک ریاستی سوزلاوچیسی صدیق صدیقی بو توغریده صحبت بیریش‌دن واز کیچگن.
بو توغریده اوتکزیلگن تدقیقات نینگ کورستیشیچه، خبرچی‌لردن 43 فایزی نینگ ایشانچی گه کوره، سیلاولر تعیین ایتیلگن زمانی 6- میزان ده یولگه قوییله‌دی. عین حالده، اولردن 33 فایزی نینگ ایشانچی گه کوره، سیلاولر تعیین ایتیلگن زمانی ده یولگه قوییلمه‌یدی.
