بوگون «سه‌شنبه» کابل‌ده خبری بیر ییغینده ژورنالیستلر و رسانه‌لر نهادلری نینگ فدراسیونی اعضاسی فهیم دشتی نینگ ایتیشیچه، «خبرچی‌لردن حمایت قیلووچی صندوق» ژورنالیستلر و رسانه‌لر نهادلری فدراسیونی نینگ باشقه بیر اعضاسی آصف وردک نینگ اویی گه دیر و حاضرگچه اوشبو صندوق آرقلی آز قطار خبرچی‌لرگه یاردم بیریلگن.
شونینگدیک قطار خبرچی‌لرنینگ ایتیشیچه، اوشبو صندوق ژورنالیستلر و رسانه‌لر نهادلری فدراسیونی اعضاسی نینگ شخصی اویی گه قرار تاپیشی، فساد گه زمینه یره‌ته‌دی.
بیراق ژورنالیستلر و رسانه‌لر نهادلری نینگ فدراسیونی اعضاسی آصف وردک جناب دشتی نی ادعالرنی رد قیلیب ایتیشیچه، «خبرچی‌لردن حمایت قیلووچی صندوق» نینگ رسمی دفتری بار و هیچ بیر خاص حزب، قوم یا-ده مذهب نینگ اختیاری گه ایمس دیر.
خبرچی‌لردن حمایت قیلووچی صندوق اوتگن ییل افغانستان خبرچی‌لریگه یاردم بیریش اوچون قوریلدی.
بیراق مذکور صندوق خبرچی‌لردن حمایت قیلیش اوچون تأثیرلی بولمه‌گن و نیچه پیتدن بویان مذکور صندوق مسئوللری حقیده تنقیدلر کوپه‌یگن.
