افغانستان بوییچه ایرکین میدیالردن حمایت قیلووچی اداره یا-ده نی تشکیلاتی نینگ تدقیقاتی گه کوره، مملکت خبرچیلریدن کمیده 60 فایزی حکومت سوزلاوچی‌لری نینگ جواب بیریشلری و ایشلریدن ناراضیلیک بیلدیریشگن.
شونینگدیک، اوشبو تدقیقات گه کوره، خبرچیلردن یالغیز 47 فایزی حکومت سوزلاوچی‌لریدن راضیلیک بیلدیریشگن و عین دمده، خبرچیلردن 1 فایزدن آرتیغی هیچ فکر بیلدیرمه‌گن.
افغانستان بوییچه ایرکین میدیالردن حمایت قیلووچی اداره یا-ده نی تشکیلاتی باشلیغی عبدالمجیب خلوتگرنینگ ایتیشیچه، اوشبو تدقیقات ده 24 ولایتدن 250 خبرچی اشتراک قیلیشگن.
مملکت خبرچیلریدن 39 فایزی خوفسیزلیک اداره‌لریدن شکایت قیلیشگن. بو آره‌ده خبرچیلر معلومات گه قول تاپیش خصوصیده، جمهورلیک ریاست سرایی‌دن آز شکایت قیلیشگن.
عین دمده، کابل‌ده ایری خبری ییغین اوتکزگن ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، میلادی 2019- ییل‌ده اوشبو وزیرلیک‌ده خبرچیلرگه قرشی 88 زوروانلیک واقعه رویخط‌گه آلینگن.
افغانستان بوییچه ایرکین میدیالردن حمایت قیلووچی اداره یا-ده نی تشکیلاتی نینگ ییل‌لیک گزارشی گه کوره، میلادی 2018- ییل‌گه نسبتن میلادی 2019- ییل‌ده خبرچیلرگه قرشی زوروانلیک میزانی 42 فایز کمه‌یگن. نی تشکیلاتی نینگ ییل‌لیک گزارشی اساسیده، اوشبو اداره ده خبرچیلرگه قرشی 115 زوروانلیک قضیه رویخط‌گه آلینگن و بو جمله‌دن 10 قضیه‌سی خبرچیلر و میدیا ایشلاوچی‌لری قتل ایتیلگنی گه شامل بوله‌دی.
افغانستان بوییچه ایرکین میدیالردن حمایت قیلووچی اداره یا-ده نی تشکیلاتی، افغانستانده میدیالرنینگ وضعیتی یخشی‌لنیشی اوچون خبرچیلرگه قرشی زوروانلیک قضیه‌لری خلق ارا محکمه‌لری تامانیدن تیکشیریلیب و خبرچیلرنینگ قاتل‌لری جزالنتیریلیشی‌نی سوره‌گن.
