.jpg)
غور ولایت لوازمیدن چیتلهتیلگن ولایت والیسی سیما جوینده، مذکور ولایتنینگ دولت ادارهلری فسادگه باتگنلیک همده اوروش جنایتچیلری حددن تشقری اوشبو ادارهلرگه نفوذ قیلگنلیکلرینی ایتگن.
سلاموطندار بیلن مخصوص صحبت اوتکزگن خانم جویندهنینگ ایتیشیچه، اوشبو ولایت ایریم بولیملرینینگ ییللیک بودجهسینینگ کته قسمی محلی حکومت قطار بلند مرتبهلی رسمیلری چونتگیگه کیرهدی و قالگنی ایسه قومی اوروشلرگه صرفلنهدی.
خانم جوینده، غور ولایتیده زوران شخصلر اونلب گروهلرنی رهبرلیک قیلهدیلر دیب و مذکور گروهلر یوزلب تینچ اهالینی اولدیریشگه قوللری بار دیگن.
غور سابق والیسینینگ سوزلریگه قرهگنده، دولت ادارهلرینینگ برچهسی قانوننی آیاق آستی قیلگنلر اختیاریده و مثال اولهراق معارف، ساغلیق، ایکینچیلیک، سوولنتیریش، عامه فواید، قیزل آی وعیاللر ادارهسی قوشیمچه ولایت کینگشی مذکور شخصلرتصرفیده دیر.
شونینگدیک خانم جوینده غور ولایتینی ترقی ایتمسلیگینینگ ینه بیر یولی ولایتنینگ ییللیک بودجهسی همده خارج مملکتلرنینگ مالی همکارلیکلری زوروان شخصلر طرفیدن حیف و میل ایتیلیش دیگن. اونینگ ایتیشیچه، غور ولایتینینگ دولت ادارهلری زوروان شخصلرنینگ شخصی اویلریگه ایلنگن.
ولایت لوازمیدن چیتلهتیلیشینینگ بیرینچی دلیلی زوروان شخصلر مقابلیده تورگن لیگینی تیلگه آلگن خانم جوینده والی ایتیب تعینلگنیمدن بیری اوشبو زوروانلر تینچ تورمی ایشدن آلینیشیم اوچون سعی و حرکت قیلگنلر. اونگه کوره، اون اوچ ییل جریاینده مذکور ولایت والیسی ایتیب تعینلنگن کیشیلر اوز موقعینی سقلب قالیش اوچون زوروانلر و انسان حق وحقوقلرینی ایاق آستی قیلگنلر بیلن کیلیشگنلر.
.jpg)
ولایت سابق والیسی مذکور ولایتده حددن تشقری اداری فساد بارلیگی حقیده تاکیدلهگن. خانم سیما اوشبو ولایتدهگی اداری فساد و پارهخورلیک حددن تشقری بولگنلیگی سبب محلی دولتنینگ قطار بلند مرتبهلی رسمیلری تشقی مملکتلرده یشش بنا و شخصی ویلالر ساتیب آلگن دیگن.
خانم جوینده، غورده ییرنی زوردن تارتیب آلیش طبیعی و قانونی بیر عمل دیگن. ایتیلیشیچه، زورانلر مسجدلر، دولت ییرلری و دم آلیش مرکزلرینی شخصی منفعتلری اوچون تجاری مرکزلرگه ایلنتیرگنلر.
خانم جوینده مذکور ادعالرنی اثباتلاوچی حجتلر قولیده بارلیگینی ایتیب و قضیهلرنی نیچه مرته ملی بیرلیک حکومتی رهبرلریگه ایتگن لیگینی حکایه قلگن. اما، ملی بیرلیک حکومتی رهبرلری هم کوپراق قانوننی ایاق آستی قیلگنلر و زوروان کیشیلر سوزیگه اعتبار بیرهدیلر.
خانم سیما جوینده چمهسی بیش آی غور ولایت والیسی صفتیده خذمت قیلدی. او، اوتگن هفته مذکور لوازمدن آلینیب کابل ولایت والیسینینگ اورین باسری ایتیب تعینلندی.
جویندهنی ایشدن آلینیشی ولایت اهالیسی بعضیلرینینگ اعتراضیگه هم سبب بولدی. اوشبو شهرنینگ اهالیسی ایکی کون نمایش اوتکزیب خانم سیما قیتهدن ولایت مقامیگه کیلیشینی حکومت رسمیلریدن سورهگنلر.
