د افغانستان د بهرنيو چارو وزارت وايي، چې دوی په افغانستان کې د پاکستان سفارت ته د ۸۵ ترهګرو او ۳۲ روزنیزو مرکزونو لست وسپاره، چې باید پر وړاندې يې د دغه هېواد له لوري اقدام وشي.
د یاد وزارت لهخوا نن په خپره شوې خبرپاڼه کې راغلي، چې د طالبانو رهبرۍ شورا، حقاني شبکې او نورو اورپکو د غړو په ګډون د ۸۵ "ترهګرو" لیست، ادرس او نقشې اسلاماباد ته ورکړي، چې د پاکستان په درېیو ایالتونو بلوچستان، خیبر پښتونخوا او سند کې دي.
د معلوماتو لهمخې دغه لیک نن په کابل کې د پاکستان سفیر ته سپارل شوی او له اسلام اباده یې د دغو مرکزونو پر ضد د ګام پورته کیدو غوښتنه کړې.، خو پاکستاني چارواکو هم پهدې اړه مثبت ځواب ورکړی.
په ورکړل شوي لست کې افغانستان شرط ايښي، چې که پاکستان د دغو ترهګرو پر وړاندې اقدام وکړي، نو دوی به هم په جدي ډول د دوی غوښتنو ته پام وکړي.
د ویلو ده، چې د پاکستان سند ایالت په لال قلندر زیارت کې تر ځانمرګي برید وروسته، د پاکستان پوځي چارواکو له افغانستان ته غوښتي ترڅو "په دغه هېواد کې پټ شوي ۷۵ ترهګر" اسلام اباد ته وسپاري.
په دې غبرګون کې بیا پاکستان د کونړ او ننګرهار ولایتونو پر سرحدونو سلګوني راکټي بریدونه وکړل او پر افغانستان يې تور پورې کړ، چې د ترهګرو ملاتړ کوي.
په همدې اړه نن بیا اجرایوي رییس عبدالله عبدالله د پاکستان لهخوا په افغانستان لګیدلي تورونه بېبنسټه وبلل.
د حکومت اجرایوي رییس ډاکټر عبدالله د دوشنبې په ورځ د وزیرانو شورا په غونډه کې په پاکستان کې د تېرې اوونۍ خونړۍ ځان مرګی برید وغانده او ددغه هیواد د وګړو درد یې د افغانانو درد وباله.
عبدالله د پاکستانې چارواکو هغه تورونه په کلکه رد کړل، چې ګواکې د دې برید ترشا دهغو کړیو لاس دی، چې د دوی پر وینا په افغانستان کې پټنځایونه لري.
اجرایه رییس پاکستاني چارواکو ته په اشارې وویل، چې د حل لاره ګواښونه، نه بلکې د ترهګرو پر وړاندې په روانه مبارزه کې ریښتوني همکارې ده.
ده وویل له ترهګرو سره په ملاتړ دافغانستان تورنول، د افغانانو په وړاندې جفا ده ، ځکه افغان دولت تل سولهییزسیاست غوره کړی او اوس هم دې لارې ته دوام ورکوي.
د چاروڅیړونکی جاوید غفور وایې، پا کستان اوس په نړیواله کچه د ترهګرۍ د صادرونکې هیواد په نوم پېژندل شوي اوړ نړیوالو هم دا موضوع درک کړې ده، نوځکه پاکستان هڅه کوي چې د نړیوالو ذهنیت بدل کړي.
جاوید غفور زیاتوی پاکستان دې موخې ته درسیدو په خاطر هم په خپله خاوره کې ترهګریز بریدونه کوي،هم یې د ډیورنډ په کرښه کې تحرکات او په افغان خاوره توغندیز بریدونه پیل کړي، ترڅو نړۍ ته ځان بېګناه وښیې.
