افغانستان خاتین – قیزلر وزیرلیگی نینگ مسووللری، بیر یریم آی ایچیده مملکت نینگ 14 ولایتیده یوز بیرگن 23 قتل وزیرلیک تامانیدن رویخطگه آلینگن لیگینی ایته‌دیلر.
بو رقم توغریسیده خواطر بیلدیرگن وزیرلیک نینگ رسمیلری قاتللر 20 دن 50 یاشچگه بولگن.
بوگون خبری بیر ییغینده گپیرگن خاتین – قیزلر وزیرلیگی نینگ مسلکی اورین باسری سپوژمی وردک، اوشبو قتللر کابل، پروان، لوگر، غور، غزنی، بغلان، دایکندی، قندهار، نیمروز، بادغیس، فراه، کاپیسا، سرپل و ارزگان ولایتلریده قوس آیی نینگ 8-سیدن جدی آیی نینگ 20-سیگه قدر یوز بیرگن دیدی.
مکتب باریش، محرم سیز بازار چیقیش، اویدن تشقریده ایشلش، مراث اوستیده کیلیشمسلیک، آغیر قَلین، زوروانلیکلر، عایله‌وی دشمنلیکلر، خاتینلرنینگ ایریدن اجره‌لشی و زوردن تورموشگه چیقاریشگه تَن بیرمسلیک خاتین – قیزلرنی قتل ایتیش میزانی آشیشی نینگ اساسی عامللریدن حسابلنه‌دی دیگن خانم سپوژمی.
شونینگدیک وزیرلیک نینگ یوقاری مرتبه‌لی مسووللری، عیاللر قتلیگه عاید دوسیه‌لر تیکشریلیشی همده حادثه عامللری عدلی و قضایی اداره‌لر آرقلی آچیقله‌ین محکمه بولیشینی سوره‌گنلر.
ییغینده گپیرگن مدنی فعال خانم حمیرا ثاقب، عیاللرگه قرشی زوروانلیکنی توسیش قانونی عملی بولیشی اوستیده تاکید ایتگن. شونینگدیک ملی بیرلیک حکومتی نینگ رهبرلریدن خاتین – قیزلرنی روحی همده فزیکی خوفسیزلیگی تامین بولیشی باره‌سیده علیحده تاکید قیلگن خانم ثاقب.
عین حالده،عیاللرگه قرشی کوره‌ش مخصوص باشقره‌لاوچیلیک نینگ حساباتیده جاری ییل باشله‌نیشیدن عقرب آییگه قدر خاتین – قیزلرگه قرشی 3702 دوسیه رویخگه آلینگنی قید ایتیلگن. بولردن 926 دوسیه کلتکلش، قیناققه آلیش، قتل، اوز جانیگه قصد قیلیش، اوزینی یاندیریش و باشقه حادثه‌لردن عبارت.
