سلام‌وطندارگه صحبت بیرگن بلخ ولایتیده حیرتان نفتی ماده اداره‌سینی باشلیغی نجیب‌الله مبین‌نینگ ایتیشیچه، نفت تازه‌لاوچی ایش‌خانه‌لر حکومت تامانیدن حمایت قیلینمه‌گنی و شونینگدیک، چیت‌ایل‌دن آلیب کیلینه‌دیگن قاچاقی و صفت‌سیز نفت باعث، 6 نفت تازه‌لاوچی ایش‌خانه‌نینگ ایشی توخته‌تیلگن و 3 مینگ ایشلاوچی ایش‌سیز بولگن.
اونگه کوره، مذکور نفت تازه‌لاوچی ایش‌خانه‌لر تامانیدن اورته آسیا مملکت‌لریدن آلیب کیله‌دیگن خادم ماده قیمت ایکن و شونینگدیک، قیته ایشلب چیقریله‌دیگن محصول صفتی یوقاری بولگنی سبب، صفت‌سیز ماده‌لرگه نسبتن قیمتی هم یوقاری دیر و یشاوچیلر ایسه ارزان ماده‌نی ترجیح بیره‌دیلر.
سلام‌وطندارگه صحبت بیرگن حیرتانده غضنفرگروپ تصفیه‌خانه‌سینی سرمایه یاتقزووچی‌لریدن محمدابراهیم غضنفرنینگ ایتیشیچه، چیت‌ایل‌دن آلیب کیلینه‌دیگن خام ماده اوستیگه گمرکی سالیق 6 دن 8 فایزگچه کوتریلگنی باعث، نفت تازه‌لاوچی ایش‌خانه‌لرنینگ ایگه‌لری چیت‌ایل‌دن نفت آلیب کیله‌دیگن‌لر بیلن رقابت قیله آلمه‌یدیلر و بو موضوع ایش‌خانه‌لرنی ایشی توخته‌تیلیشی‌گه سبب بولگن.
شو توغریده…
هرات ولایتیده نفت تازه‌له‌یدیگن ایکینچی ایش‌خانه قوریلدی
اعتراضچی‌لر: ایش‌سیزلیک‌نینگ اصلی عاملی ملی بیرلیک حکومت رهبرلر دیر
عین حالده، حیرتان سوداگرلیک بندری ده نفت تازه‌لاوچی ایش‌خانه‌لرده سرمایه یاتقیزگن سرمایه‌دارلرنینگ ایتیشیچه، حکومت بو ایش‌خانه‌لرنی قیته‌دن فعال قیلمه‌گن صورتده، سرمایه‌لرینی افغانستاندن چیقاره‌دیلر و بو ایش چیت‌ایللیک سرمایه یاتقیزووچی‌لرنینگ اوستی گه هم سلبی تأثیر قوییشی ممکن.
فعالیت‌لری توخته‌تیلگن نفت تازه‌لاوچی ایش‌خانه‌لر 4 ییل آلدین آمو دینگیزی و قشقری منطقه‌لری‌نینگ نفتی‌نی تازه‌لش اوچون افغانستان شمالی‌ده فعالیت گه باشله‌گن ایدیلر.
حیرتان سوداگرلیک بندری مسؤوللریگه کوره، اوشبو نفت تازه‌لاوچی ایش‌خانه‌لرنی هر بیری 50 میلیون دالردن آرتیق خرجت کوتریب قوریلگن.
