.jpg)
وزیرلر کینگشی‌نینگ قراری اساسیده، کمیده بیر ییل آلدین، کنر ولایتی‌نینگ آغاچی و قیمت بها ماده‌لری باشقه ولایت‌لرگه انتقال بیریلیشی خصوصیده، رخصت بیریلدی، بیراق بیر مدت اوتگنیدن سونگ، کنر دن باشقه ولایت‌لرگه آغاچ انتقال بیریش ایشی توخته‌تیلدی.
مذکور ولایت نجارلریدن بیرقطاری، محلی رسمی‌لردن تنقید قیلیب ایتیشیچه، حکومت قول ارا قوریلگن نرسه‌لرنی انتقال بیریش گه رخصت بیرمه‌یدی و بو ایش اولرنینگ ایشلریگه زیان ییتکیزگن.
کنر ولایتی‌نینگ نجارلر بیرلیگی باشلیغی فرهاد درانی‌نینگ ایتیشیچه، حکومت آغاچ قاچاقانی بهانه قیلیب اولرنینگ ایشلریگه توسیق بوله‌دی. اونگه کوره، حکومت‌نینگ اوشبو بی‌معنا قیدو شرط‌لری باعث، کنرده آغاچ ایش خانه‌لری 400 دن 100 گه کمه‌یگن.
بیراق، سلام‌وطندارگه صحبت بیرگن کنر حاکمی سوزلاوچیسی غنی مصمم‌نینگ ایتیشیچه، اولر اوشبو قیین‌چیلیک حل ایتیلیشی خصوصیده، سعی و حرکت قیله‌دیلر و تیزلیک‌ده ییچیم گه قول تاپیش‌لری ممکن.
جمهور رئیس تامانیدن صادر ایتیلگن فرمان اساسیده، کنر ولایتی‌نینگ قیمت بها ماده‌لری و آغاچی باشقه ولایت‌لرگه انتقال بیریلیشی توسیلگن، بیراق مذکور ولایت‌نینگ ایکینچیلیک ریاستی معلوماتی اساسیده، کنر ولایتی‌نینگ اورمانلری کیسیلیب و آغاچلری قوشنی مملکت‌لر اینیقسه پاکستان گه قاچاق ایتیلیشی حاضرگچه دوام ایته‌دی.
