قندوز ولایتی‌نینگ گل تیپه، آقتاش و کلباد تومنلری قوریلیشی‌دن ایکی ییل اوتماقده، بیراق اوشبو تومنلر حاضرگچه هم طالبان نظارتیده.
سلام‌وطندارگه صحبت بیرگن قندوز ولایتی‌ده ینگی قوریلگن تومن یشاوچیلری‌دن جمعه الدین و حشمت‌گه کوره، قندوز محلی ملازملری اوشبو تومنلرنی طالبان گروهی‌دن تازه‌لش اوچون نیچه مرته سوز بیرگن، بیراق هلیگچه اوشبو سوزلریگه عمل قیلمه‌گنلر.
آقتاش تومنی نینگ حاکمی عزیزالله نینگ ایتیشیچه، اولر نیچه مرته قندوز محلی ملازملری‌گه حربی عملیات یولگه تشلب اوشبو تومنلرتازه‌لنیشینی پیشنهاد قیلگن، بیراق محلی حکومت حاضرگچه عمل قیلمه‌گن
قندوز حاکمی‌نینگ سوزچیسی نعمت الله تیموری‌نینگ ایتیشیچه، مذکور تومنلر تیزلیک‌ده طالبان‌‍دن تازه‌لنه‌دی.
1394_ ییل ده مملکت جمهورباشلیغی‌نینگ بویروغی بیلن آقتاش، کلباد و گل‌تیپه تومنلری منطقه یشاوچیلری‌نینگ قیینچیلیگی حل بولیشی اوچون ایجاد ایتیلدی، بیراق کورینیشیچه قینچیلیکلری آلدینگی‌دن کوپیراق بولگن.
