همسو قوم‌لرنی منسجم کینگشی مسؤوللری، برقی کیم‌لیک‌لر ترقه‌تیلیشی‌نی کیم‌لیک‌لریگه اهانت بیلیب و بو کیم‌لیک‌لرنی ترقه‌تیش جریانی توخته‌تیلیشی‌نی سوره‌گن.
اوشبو کینگش سادات، خلیلی، قرلق، بیات، غوری، تیموری، مغل، فرملی و قیبچاق قوم‌لریدن عبارت بولیب بوگون کابل‌ده یولگه قویگن خبری ییغینده آگاه‌لنتیریشیچه، حکومت برقی کیم‌لیک‌لر ترقه‌تیلیش جریانی‌نی توخته‌تمگن صورتده، کیم‌لیک آلمه‌یدیلر.
همسو قوم‌لرنی منسجم کینگشی اعضاسی سیدمحمدعلی جاویدنینگ ایتیشیچه، ملی بیرلیک حکومتی مملکت‌ده باشقه قوم‌لرنینگ ایستک‌لرینی نظرگه آلمه‌ی برقی کیم‌لیک ترقه‌تووگه باشله‌گن و «افغانستان‌نینگ باشقه قوم‌لرینی حذف قیلیش خصوصیده، سعی و حرکت قیله‌دی.»
مذکور کینگش‌نی باشقه بیر اعضاسی عبدالشکور قرلق نینگ ایتیشیچه، برقی کیم‌لیک‌لر قوم‌لرنی آتی کیریتیلمه‌ی ترقه‌تیلگن صورتده، مملکت ده اجتماعی قیین‌چیلیک‌لرگه سبب بوله‌دی.
بو توغریده جمهورلیک ریاستی‌نینگ فکرینی آلیش اوچون علاقه قوردیک، بیراق کوپینچه سعی و حرکت نتیجه‌سیده مؤفق بولمه‌دیک.
برقی کیم‌لیک‌لر ترقه‌تیلیش جریانی، یشاوچیلرنینگ کینگ عکس‌العملی گه روپه‌ره بولگن. شونده‌ی بیرحالده، جمعیت‌نی رویخط‌گه آلیش اداره مسؤوللری‌نینگ میدیاگه ایتیشیچه، برقی کیم‌لیک‌لرنی ترقه‌تیش جریانی باشلنگنیدن بویان 1500 کیم‌لیک ترقه‌تیلگن.
