افغانستان اسلامی جمعیت حزبی، مملکت ملی خوفسیزلیک کینگشی‌نینگ مصلحتچیسی و باشقه امنیتی اداره‌لرنینگ ییریک رسمی‌لری ایش‌دن آلینیشی‌نی سوره‌گن. بوگون کابل‌ده سونگی کونلرده یوز بیرگن واقعه‌لر خصوصیده اوتکزیلگن ییغینده، جمعیت حزبی اوز موقفی‌نی معلوم قیلدی.
اوشبو ییغینده نطق سوزله‌گن افغانستان اسلامی جمعیت حزبی‌نینگ سرپرستی صلاح‌الدین ربانی، سونگی کونلرده باشکینت‌ده یوز بیرگن واقعه‌لرنی کیچیریم سیز دیب و ملی بیرلیک حکومت‌دن ملی خوفسیزلیک کینگشی‌نینگ مصلحتچیسی محمد حنیف اتمر و باشقه امنیتی و دفاعی اداره‌لرنینگ ییریک مسؤول‌لرینی تیزلیک‌ده ایش‌دن آلیشینی طلب قیلدی.
جناب ربانی، ملی خوفسیزلیک کینگشی‌نینگ مصلحتچیسی، امنیتی اداره‌لرنینگ ییریک مسؤول‌لری ایش‌دن آلینیشی، اولرنینگ اورنی‌ده اهالی قبول قیله‌دیگن شخصیت‌لر تعیین ایتیلیشی، سونگی قانلی واقعه‌لر جدی شکلده تیکشیریلیشی و بو واقعه‌لرنینگ عامل‌لری محکمه‌گه تارتیلیشی حکومت‌دن مذکور حزب‌نینگ خاص ایستک‌لری دیگن.
صلاح‌الدین ربانی‌نینگ ایتیشیچه، امنیتی اداره‌لرنینگ تشکیلاتی‌ده قطار کیشی‌لر عصیانچیلرگه یاردم بیره‌دی، بیراق کیم‌سه دن آت توتمه‌یدی.
جناب ربانی‌نینگ اورغولشیچه، امنیتی اداره‌لرنینگ مسؤول‌لری، مملکت یشاوچیلری‌نینگ خوفسیزلیگی‌نی تأمین‌له آلمه‌یدیلر و خوفسیزلیک تأمین‌لنیشی خصوصیده، حکومت باشلیغ‌لری تامانیدن جدی تدبیر آلینیشی کیره‌ک.
عین حالده، جمهورلیک ریاستی‌نینگ مطبوعات دفتری سرپرستی شاه‌حسین مرتضوی‌نینگ ایتیشیچه، خوفسیزلیک تأمین‌لنیشی خصوصیده بی‌فرق یانده‌شگن‌لر قانون اساسیده، تیرگاوگه آلینه‌دیلر، بیراق خوفسیزلیک کینگشی‌نینگ مصلحتچیسی ایش‌دن آلینیشی توغریسیده، آچیق جواب بیرمه‌یدی.
جناب مرتضوی‌نینگ ایتیشیچه، امنیتی اداره‌لرنینگ مسؤول‌لری ینگی بولگنی اوچون فرصت بیریلیشی کیره‌ک.
افغانستان اسلامی جمعیت حزبی‌نینگ آگاه‌لنتیریشیچه، اوشبو ایستک‌لری حکومت تامانیدن جدی شکلده عمل‌گه آشیریلمه‌گن صورتده، مملکت‌ده‌گی باشقه حزب‌لر بیلن بیرگه امنیتی وضعیت ایجابی شکلده اوزگریشی خصوصیده، دییرلی قرار آلیش‌لری ممکن.
