جمهورلیک ریاست نامزدلریدن بیری گلبدین حکمتیارنینگ ایتیشیچه، سیلاولر نتیجه‌سی آرتده قالدیریلیب اعلام ایتیلیشی قبول قیلینمه‌یدی. اونگه کوره، قطار کیشیلر سیلاولر نتیجه‌سی اعلام ایتیلیشی گه توسیق بولگن.
جناب حکمتیار بوگون «یکشنبه» کابل‌ده خبری بیر ییغین اوتکزیب ایتیشیچه، سیلاولر نتیجه‌سی تیزلیکده اعلام ایتیلیشی گه قرشی کیلگن کیشیلر، اهالی و مجاهدلرنینگ عکس‌العملی نی کوتیب تورسین.
جناب حکمتیارنینگ کوپه‌یتیریشیچه، سیلاوی تیم‌لردن قطاری امکانیت‌لریدن فایده‌لنیب و سیلاو نتیجه‌سینی اوزلرنینگ منفعتی گه اوزگرتیریش اوچون سیلاو نتیجه‌سی آرتده قالیشی اوچون حرکت قیله‌دیلر.
اونگه کوره، سیلاوی تیم‌لردن بیری سیلاو کمپاینی اوچون 170 – 180 میلیون دالر خره‌جت قیلگن.
او، بیللی بیر سیلاو تیمیدن آت توتمه‌ی بیراق ایتیشیچه، اوشبو سیلاو تیمی نینگ برنامه‌لریدن بیری 4 میلیون دالر خره‌جت کوتارگن.
جمهورلیک ریاستی نینگ اوشبو نامزدی اهالیدن آوازلریگه خیانت بولگن صورتده، تینچ تورمه‌ی و حق‌لریدن دفاع قیلیش‌لرینی سوره‌گن و شونینگدیک سیلاولر کمیسیونی‌دن ساخته‌کارلیک آلدی آلینیشی اوچون هر بیر محل آوازینی اَیری شکلده اعلام ایتیلیشی نی سوره‌گن.
شو توغریده:
- سیلاولر نتیجه‌سی اعلام ایتیلیشی نینگ آرتده قالیشی شک‌وشبهه چیقارگن
سیلاو نتیجه‌سی اعلان ایتیلیشی توخته‌تیلدی؛ حاضرهم تیکشیروولر دوام ایتماقده
گلبدین حکمتیارنینگ اورغولشیچه، سیلاولر ایکینچی دورگه کیتگن حالده، وقتینچه‌لیک حکومت قوریلیشی کیره‌ک.
اوتگن کون شام چاغی سیلاولر ایرکین کمیسیونی، جمهورلیک ریاست سیلاوی دستلبکی نتیجه‌سی آرتده قالگنیدن خبر بیردی.
سیلاولر ایرکین کمیسیونی نینگ زمان‌بندلیگی اساسیده، سیلاولر دستلبکی نتیجه‌سی (27- میزان شنبه کونی) اعلام ایتیلیشی گه قرار قیلینگن ایدی، بیراق سیلاولر کمیسیونی مسئوللری گه کوره، سیلاولر دستلیکی نتیجه‌سی اعلام ایتیلیشی بایومتریک اسکونه‌لری معلوماتی، مذکور کمیسیون مرکزی معلومات بانکی گه انتقال بیریش جریانیده تخنیکی قیینچلیک یوزبیرگنی باعث آرتده قالگن.
سیلاولر ایرکین کمیسیونی مسئولی حواعلم نورستانی، سیلاولر دستلبکی نتیجه‌سی اعلام ایتیلیشی آرتده قالگنی باعث اهالیدن کیچیرم سوره‌دی.
