.JPG)
حاضر ننگرهار ولایتی نینگ جلال‌آباد شهریده توره‌دیگن اسلامی حزب نینگ ییتکچیسی گلبدین حکمتیارنی خوش قرشیلیش اوچون اوتکزیلگن ییغینده چیقیش قیلیب نطق سوزله‌گن حکمتیار، حکومت تیزیمیگه کیریب اعضا بولیش اوچون هنوز قرار قبول قیلمه‌گن لیگینی ایتگن. افغانستان تینچلیک لایحه‌سیگه قوشیلیش‌دن نیت تیزیمگه کیریش ایمس ایدی دیگن او.
گلبدین حکتمیار قدرتنی آلیش مقصیده 40 ییل کابل‌ده قورال کوتارگن. شونینگدیک او، جنگری طالبان قوله‌تیلگندن سونگ امریکا قوشمه ایالتلری حمایتی بیلن وجودگه کیلگن حکومت قوله‌تیلیشی، خلق ارا کوچلر افغانستاننی ترک ایتیشی و اسلامی قدریتلر اساسیده حکومت تشکیل بولیشی اوچون 15 ییل اوروش قیلدی.
لیکن، او بو ایستکلردن اوتیب افغانستان تینچلیک لایحه‌سیگه قوشیلیدی. حکمتیار، حکومت لوازمیگه ایریشیش اوچون رغبتی یوق لیگینی ایتگن. شونینگدیک مملکت‌ده امنیت تامین بولیشی اوچون سعی وحرکت آلیب باریشنی معلوم قیلگن حکمتیار.
ییغینده سوزله‌گن حکمتیار قوراللی طالبلردن تینچلیک مذاکره‌گه قوشیلیشلرینی سوره‌گن. قوراللی طالبلر اوروشی‌نی نا مشروع دیگن حکمتیار جنگریلرنی بیگانه‌لر قُولی دییه خطاب قیلگن. اسلامی حرب نینگ رهبری، امریکالیک حربیلر افغانستان‌گه کیلیشی اوچون قوراللی طالبلر هم بیر عامل حسابلنه‌دی دیدی.
اونینگ تعبیریچه، داعش قوراللی طالبلردن ایریلگن بیر جنگری گروه دیر. حکمتیار، امریکالیک حربیلر آرقه‌لی ننگرهار ولایتیده داعش مرکزیگه ییریک بمب تشله‌نیشی، اما جنگری طالبان‌گه انده‌مسلیک ایریم سواللرنی توغدیره‌دی.
او، حکومت رهبرلریدن بیر- بیراوی نینگ یانیده توریب ایش قیلیش‌گه موافق بولمه‌گن حالده، اینگ یخشیسی بیرته‌سی ینه بیری‌نینگ منفعتی‌گه اوتیشی لازم دیگن.
ییغینده عیاللر باره‌سیده گپیرگن حکمتیار، خاتین – قیزلرنینگ حق و حقوقینی حمیات قیلیشنی تیلگه آلگن.
گلبدین حکمتیارنی خوش قرشیله‌ش اوچون ننگرهار ولایتی‌گه بارگن جمهور رییس نینگ ایکینچی اورین باسری سرور دانش، اسلامی حزب بیلن حکومت اورته‌سیده قول قوییلگن شرطنامه آسان ایش ایمس ایدی؛ شرطنامه امضالنمس‌لیگی اوچون ایچکی و تشقی قوللرنینگ ایشله‌گن لیگینی رد قیلیب بولمه‌یدی دیگن.
جناب دانش بوتون جنگری گروهلردن قورال اسحله‌لرینی ییرگه قوییب تنچلیک جریانی‌گه قوشیلیشلرینی طلب قیلگن.
حکمتیار بوندن تورت کون آلدین لغمان‌گه کیلدی. او، طرفدارلری ایچیده نطق سوزله‌گن‌دن سونگ بگون ننگرهار ولایتی‌گه باردی.
