بوگون «شنبه» کابل‌ده ییغین اوتکزگن اسلامی حزب رهبری گلبدین حکمتیارنینگ ایتیشیچه، اسلامی حزب نی او تشکیل قیلگن و بو حزب‌نینگ برچه موضوعلری آتی‌دن باشلب اساس‌نامه و برنامه‌لری اونگه تیگیشلی بوله‌دی. اونگه کوره، «بو ارزش‌لر» باشقه هیچ بیر گروه گه انتقال بیریلمه‌یدی و کیم‌سه هم مالکیت ادعا قیله آلمه‌یدی.
حکمتیارنینگ بو بیاناتی نیچه وقت آلدین، اسلامی حزب عبدالهادی ارغندیوال رهبرلیگی‌ده بیر اعلامیه ترقه‌تیب و بو حزب جناب ارغندیوال‌نینگ آتی گه عدلیه وزیرلیگی‌ده رویخط گه آلینگن و گلبدین حکمتیار سیاسی فعالیت قیلماقچی بولسه، باشقه بیر آت گه حزب توزه‌تیشی‌نی بیلدیرگن بیرچاغده بیان ایتیلگن.
حکمتیار و ارغندیوال آره‌سیده‌گی قره‌مه قرشی‌لیک‌لر، اجراییه ریاستی‌نینگ بیرینچی اورین باسری محمدخان، عدلیه وزیری بصیر انور و عبدالهادی ارغندیوال‌نینگ اعضالیگی اسلامی حزب ده گلبدین حکمتیار تامانیدن لغو ایتیلگن بیرچاغده باشلندی.
باشقه تاماندن، حکمتیار ایریم ولایت‌لر طالب‌لرگه تاپشیریلیش گزارشی‌نی رد قیلیب ایتیشیچه، بیانات‌لری ناتوغری توشونیلگن.
گلبدین حکمتیارگه کوره، او طالب‌لر اوچون تینچ منطقه ایجاد ایتیلیب هوایی هجوملر، ایزله‌نیش و قولگه آلینیش دن امان بولیش‌لرینی ایسته‌گن.
شونینگ‌دیک، حکمتیار نماینده‌لر کینگشی و تومن‌لر کینگشی سیلاولری عدالت‌لی و تنیق شکلده یولگه قوییلیشی اوستیگه تأکیدلب و کوپه‌یتیریشیچه، آواز بیریش مرکزلر شرایط‌گه ماس کیشی‌لر ایرکین شکلده آواز بیریشلریگه اساس توزه‌لیشی کیره‌ک.
