.jpg)
مسکو تینچلیک ییغینی اوتگن کون افغانستان حکومتی‌نینگ غیابیده یولگه قوییلدی. بو ییغین‌نینگ بیرینچی کونی ایکی تامان‌نینگ سوز آتیش‌لری بیلن اوتدی و دقت چیکه‌دیگن موضوعلری هم بار ایدی، بیراق برچه موضوع دن آرتیق دقت چیکه‌دیگن و جدی عکس‌العمل‌لرگه سبب بولگن نرسه ییغین اشتراکچی‌لری نماز اوچون صف آلگن صورت ایدی.
بو صورتده تانیقلی سیاسی سیمالر جمله‌دن حامد کرزی و یونس قانونی طالبان گروهی اعضالریدن بیری‌نینگ امامتی بیلن نماز قیله‌یاتگن‌لری کورینه‌دی.
بو صورت اجتماعی ترماق ایشلاولری‌نینگ سلبی عکس‌آلعمل‌لری و تنقیدلریگه دوچ کیلدی.
فیسبوک ایشلاوچی‌لریدن بیری خالد خسرونینگ یازیشیچه، افغانستان سیاستچی‌لری‌نینگ منفعت‌لری ایجاب قیلگن صورتده، اولر شیطان‌نینگ آرقه‌سیدن نماز قیلیش گه حاضر بوله‌دیلر. «افغانستانده سیاست دنیاسی جوده هم اهمیت‌سیز، اصول‌سیز و قیاس‌لی دیر. بولرنینگ منفعت‌لری ایجاب قیلگنده، شیطان‌نینگ آرقه‌سیدن هم نماز قیله‌دیلر. اویت بولسین.»
اجتماعی ترماق ایشلاوچی‌لریدن باشقه محمدنسیم جعفری، «جهادی معامله‌چی‌لرنینگ باشلیغ‌لری» اصلاحی‌دن فایده‌لنیب یازیشیچه، جهادی رهبرلر و باشلیغ‌لری تورت دهه جریانیده جهاد آتی‌گه افغانستان یشاوچیلرینی اولدیرگن‌لر. جعفری‌نینگ یازیشیچه، جهادی رهبرلر هر زمان ایریم مملکت‌لرنینگ سازی گه اوینه‌ب و افغانستان‌نی ویرانه ایلنتیرگن.
اونینگ یازیشیچه، جهادی رهبرلر و حکومت‌نینگ سابق رسمی‌لری، سرمایه‌لرینی سقلش اوچون بیر طالب‌نینگ آرقه‌سیدن نماز قیلیش گه علاوه هر بیر«اویت‌لی» معامله گه تَن بیریش‌لری ممکن.
«جهادی رهبرلر و مجاهدلرنینگ باشلیغ‌لری اوتگن تورت دهه جریانیده تورلی-تورلی اویین قیلگن‌لر، جهاد آتی گه یشاوچیلرنی اولدیرگن‌لر، مملکت‌نی تمل تاشیدن ویرانه گه ایلنتیرگن‌لر و قطار مملکت‌لرنینگ بویروغلری بیلن اولکه‌نی اوروش اوتی بیلن یاغدو قیلگن‌لر. کرزی زمانیده بوتون ملی سرمایه و خلق ارا یاردم‌لری تالان قیلینگن.»
.jpg)
اجتماعی ترماق ایشلاوچی‌لریدن باشقه بیرقطاری، طالبان گروهی اعضالریدن بیری‌نینگ امامتی نماز قیلیش‌نی افغانستان‌نینگ مینگ‌لرچه گناه‌سیز یشاوچیسی‌نینگ قانی گه اقامه قیلیب و ایتیش‌لریچه، جهادی رهبرلر و حکومت‌نینگ سابق رسمی‌لری، نیچه وقت آلدین گچه طالبان گروهی‌نینگ عصیانچی و افغانستان یشاوچیلری‌نینگ قاتلی بیلردیلر، بیراق بوگون اوشه قاتل‌نینگ آرقه‌سیدن نماز قیلگن.
فیسبوک ایشلاوچی‌لریدن باشقه بیرقطاری، بیر طالب‌نینگ آرقه‌سیدن نماز قیلیش‌نی طالبان گروهی گه جهادی رهبرلر و حکومت‌نینگ سابق رسمی‌لری بویون اینگیشی دیب بیله‌دیلر.
بیراق، باشقه بیرقطار کیشی‌لر، مسکو ییغینیده سیاسی حزب‌لرنینگ اشتراکچی‌لرینی برنامه‌سیز دیب ایتیشیچه، بو نماینده‌لرنینگ هیچ بیر برنامه‌سی یوق ایدی.
اجتماعی ترماق ایشلاوچی‌لریدن بیری و مدنی فعال باری سلام بونده‌ی یازگن: «طالبان گروهی‌نینگ مؤفقیتی قاعده گه تَن بیریش، عملی‌ده کیسکین و حرکت و بیاناتی‌دن قورقمه‌سی دیر. مملکت سیاستچی‌لری‌نینگ ناکاملیگی و کوچسیزلیگی‌نی سببی قاعده گه بولگن ایشانچسیزلیک‌لری، بیر توشونچه‌ده بولمه‌گن‌لری و قوشمه ارزش‌لرگه تَن بیرمه‌گن‌لری دیر.»
شونینگدیک، افغانستان ملی خوفسیزلیک عمومی ریاستی‌نینگ سابق باشلیغی و کیله‌جک جمهورلیک ریاستی‌نینگ سیلاویده محمداشرف غنی‌نینگ بیرینچی اورین باسری امرالله صالح، مسکو ییغینیده اشتراک قیلگن سیاستچی‌لر و حزب‌لرنینگ نماینده‌لریگه اشاره قیلیب ایتیشیچه، «ایرته دن سونگ طالبان گروهی ینه-ده قتل عام قیلگن صورتده، یشاوچیلر طالبان گروهی‌نینگ سیاسی بیرلشیک‌لرینی آدرسی کابل‌ده قییرده بولگنینی بیلسین‌لر.»
اوشبو عکس‌العمل‌لر اوج آلگن بیرچاغده، طالبان گروهی‌نینگ نماینده‌لری حاضرگه‌قدر افغانستان حکومتی بیلن مذاکره قیلیش‌گه علاقه کورستمه‌گن. افغانستان حکومتی هم شو یوزه‌دن مسکو ییغینیده اشتراک قیلیش اوچون نماینده یوبارمه‌گن.
مسکو ییغینی بوگون یکونلندی و بونده‌ی ییغین‌لر دوام ایتیشی خصوصیده، سعی و حرکت‌لر بولماقده و حزب‌لرنینگ نماینده‌لری جمله‌دن یونس قانونی و محمد محقق اوروش یکونلنیشی و تینچلیک سوزلشوولری جدی باشله‌نیشی‌نی طلب قیلگن‌لر.
مسکو ییغینی‌نینگ بیرینچی کونیدن بولگن گزارش:
