16یاشر حفیظه اسملی قیز جنسی تجاوز ایتیلگندن کیین حیاتیگه نقطه قوییلگن. اونینگ آنه‌سی: «قیزیم کیچکی پیت سمانخانه‌گه کوهیز و سیگیرگه ییم بیریش اوچون کیتدی، لیکن تیزده دَره‌کی چیقه‌دی نیچه دقیقه‌دن کیین آرقه‌سیدن بارسم فقط جسدی بار» دیدی. اوشبو عیال‌نینگ سوزلریگه کوره، قوشنی‌نینگ اوغلی علی‌محمد و ابراهیم قیزنی جنسی تجاوز قیلیب اولدیرگنلر. حفیظه نینگ آنه‌سی: «حکومتدن فقط بو ایکّی شخصنی تیریکله‌ین یاندیریشینی سوره‌یمن» دیگن.
حادثه فاریاب ولایتی نینگ بلچراغ تومنیده یوز بیرگن.
فاریاب امنیه قوماندانلیگی نینگ سوزلاووچیسی عبدالکریم یوریش، نا معلوم کیشیلر اوشبو قیزنی جنسی تجاوز قیلگندن سونگ اولدیرگن لیگینی تصدیق ایتگن. جناب یوریش، هنوزگچه واقعه نینگ قنده‌ی لیگی معلوم ایمس دیدی. حادثه عامللری قولگه آلینیشی اوچون تیرگاو باشلنگن دیدی جناب یوریش.
فاریاب ساغلیقنی سقلش قانونی ساغلیق مسوولی دکتر سمیرعنایت، قیز اولدیریلگندن آلدین تجاوز ایتیلگن لیگینی تصدیق ایتگن.
فاریاب ولایتیده انسان حق وحقوقلری حمایتی بیلن مشغول کمیسیون نینگ باشلیغی سید حفیظ الله فطرت، واقعه توغریسیده جدی خواطر بیلدیریب، تیگیلیشی اداره‌لردن حادثه عامللرینی تیز آره ده قولگه آلیشلرینی طلب قیلگن.
جناب فطرت، بو قبیل حادثه‌لر جنسی قشاقلیک، اقتصادی همده فرهنگی قیین چیلیک، اسلام معلوماتلر توغریسیده خلق نینگ خبرسیزلیگی و توی خرجتی کوپ بولگن لیگیدن کیلیب چیقه‌دی دیدی.
فاریاب انسان حق و حقوقلری کمیسیونی نینگ باشلیغی، جاری ییل آقیمیده ولایتده 33 قتل و اوز جانیگه قصد قیلیش رویخط آلینگن لیگینی معلوم قیلگن.
