نماینده‌لر کینگشی‌ده جوزجان اهالیسی‌نی نماینده‌سی سید عزیزالله الفتی‌نینگ ایتیشیچه، جوزجان ولایتی‌نینگ مکتب‌لری اوچون میز و چوکی آلیش جریانیده بیر میلیون افغانی تالان قیلینگن.
نماینده‌لر کینگشی‌نینگ اوشبو اعضاسی گه کوره، مکتب جهازلریدن بیرقطاری حاضرگچه ساتیق آلینمه‌گن؛ بیراق ساتیب آلیش حجتی تیارلنگن.
اونینگ کوپه‌یتیریشیچه، مذکور ریاست‌نینگ یوقاری مرتبه‌لی رسمی‌لری، ایشلاوچی‌لرنی ساتیب آلینمه‌گن نرسه‌لر اوچون ساتیب آلینگن حجت تیارلش‌گه مجبور قیلگن‌لر.
نماینده‌لر کینگشی‌نینگ اوشبو اعضاسی گه کوره، پول تالان قیلیش‌ده نه‌فقط معارف ریاستی، بلکیم یوقاری مرتبه‌لی رسمی‌لرنینگ قولی بار و بو جریاندن حمایت قیله‌دیلر.
عین حالده، جوزجان معارف ریاستی‌نینگ مالی و اداری آمری محمدحلیم ساحل، بو ریاست‌ده پول تالان قیلینگنینی رد قیلیب ایتیشیچه، تدارکات جریانی و لوازم ساتیب آلیش بیر هیأت تامانیدن عمل‌گه آشیریلگن و بو هیأت ملی خوفسیزلیک، ولایتی کینگش، مستوفیت ریاستی، معارف ریاستی و اقتصاد ریاستی‌نینگ نماینده‌لریدن تشکیل ایتیلگن.
اونگه کوره، مذکور ریاست تامانیدن ساتیب آلینگن لوازم‌لرنی حجتی موجود دیر و اولر مسؤوللرگه جواب بیریش‌گه حاضر دیر.
عین حالده، سلام‌وطندارگه ییتیشگن حجت اساسیده، معارف وزیرلیگی قویاش 1397- ییل، 5- قوس‌ده جوزجان ولایتی‌نینگ معارف ریاستی گه بیر مکتوب یوللگن.
افغانستان معارف وزیرلیگی‌نی سرپرستی محمدمیرویس بلخی تامانیدن قول قوییلگن اوشبو مکتوب ده کیلیشیچه، 220- کودی‌دن جوزجان تومن‌لری‌نینگ مکتب‌لری اوچون دفتر لوازم‌لری تیارلنیشی خصوصیده، کمیده 3 میلیون افغانی اختصاص بیریلگن.
مذکور مکتوب بیلن بولگن رویخط‌ده 5 تورلی دفتر لوازمی کیریتیلگن. اوشبو لوازم‌لر چین تامانیدن ایشلب چیقاریلگن تورت خانه‌لیک 42 پایه تیمیر الماری، هر بیری‌نینگ قیمتی 9400 افغانی؛ 135 پایه مدیریت میزی، هر بیری‌نینگ قیمتی 11500 افغانی؛ 135 نکلی پایه‌لی چرخدار چوکی، هر بیری‌نینگ قیمتی 3700 افغانی؛ بیر پایه 12000 درجه‌لی ایرکندیشن، 34 مینگ افغانی و 1 پایه کمپیوتر لبتاپ، 44 مینگ افغانی‌دن عبارت.
بیراق، جوزجان بازاریده بولگن نرخ اساسیده، بیر پایه الماری‌نینگ قیمتی 6 مینگ افغانی، بیر پایه میز قیمتی 7500 افغانی و شونینگدیک، بیر پایه چوکی‌نینگ قیمتی 2660 افغانی ذکر ایتیلگن.
عین حالده، جوزجان ولایتی‌نینگ قیته تیکلش محکمه‌سینی باشلیغی نصیر حکیمی، جوزجان معارف ریاستی‌ده بولگن تالان‌نی تصدیق‌لیدی؛ بیراق ایتیشیچه، حاضرگچه بو توغریده اولرگه رسمی شکایت ییتیشمه‌گن.
اونینگ کوپه‌یتیریشیچه، بو اداره قانون اساسیده تیکشیروولرینی باشله‌گن و بو جنایت اثباتلنگن صورتده، اولر بو خصوصیده قانون اساسیده، قرار قیله‌دی.
جوزجان ولایتی‌نینگ قیته تیکلش محکمه‌سینی باشلیغی گه کوره، مذکور ولایت‌نینگ معارف ریاستی‌نی باشقه دوسیه‌لری هم تیکشیریلماقده دیر.
باشقه تاماندن، گزارش‌ده آت‌لری فاش ایتیلیشی‌نی ایستمه‌گن ایریم منبع‌لرنینگ سلام‌وطندارگه ایتیشیچه، تومن‌لردن بیرقطاری گه الماری‌سیز میز و چوکی یوباریلگن و ارزشی ایسه 5-6 مینگ افغانی دیر و ایریم تومن‌لرگه هیچ بیر چوکی و میز یوباریلمه‌گن.
شو توغریده…
