مردمی کوچلر اوشبو اعضالری جوزجان ولایتی نینگ قوش‌تپه تومنیده داعش جنگری‌لری تامانیدن اولدیریلگن‌لر.
جوزجان ولایتیده محلی منبع‌لردن بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، داعش اعضالریدن 3 ته‌سی کمیده ایکی آی آلدین مردمی کوچلر قطاریگه قوشیلگن ایکن‌لر، بیراق اوتگن کیچه مردمی کوچلر قومندانی محمدیاسین و اوشبو کوچلر باشقه 5 اعضاسینی اولدیریب بوتون حربی تجهیزات‌لرینی اوزلری بیلن آلیب کیتگن‌لر.
منبع نینگ ایتیشیچه، مذکور مردمی کوچلر، جوزجان ولایتی بوییچه داعش گروهی نینگ رهبری قاری حکمت‌الله نینگ خاص قوروقچی‌لری تامانیدن اولدیرلگن‌لر.
جوزجان پولیس قومندانی عبدالواحد وجدان نینگ بو خبرنی تصدیق‌لب ایتیشیچه، اوشبو اوچ کیشی مردمی کوچلرنی اولدیرگنی‌دن سونگ، جوزجان ولایتی نینگ درزاب تومنیده اوشبو ولایت بوییچه طالبان تامانیدن ناملنگن حاکم مولوی سنت‌الله نینگ تیریک‌چیلیک قیله‌دیگن منطقه‌ده بارگنلر.
داعش گروهی حاضرگه‌قدر بو توغریده فکر بیلدیرمه‌گن.
