.jpg)
جوزجان خبرچی‌لری ایچکی ایشلر وزیرلیگی‌نینگ بویروغی گه قرشی آغیزلرینی باغله‌گنلر. اولر بو بویروغ‌نامه گه قیته تیکلنیشی نی سوره‌گنلر. اولرگه کوره، اوشبو بویروغلر ناقانونی اِیشلر کوپه‌یشی گه سبب بوله‌ی.
بوگون «دوشنبه» افغانستان ایرکین میدیالریدن حمایت ایتوچی اداره باشلیغی عبدالمجیب خلوتگر ایرکین خبرچی‌لرنینگ ملی ییغینی‌ده ایتیشیچه، ایچکی ایشلر وزیرلیگی‌نینگ بویروغی، معلومات گه قول تاپیش برابریده چیکلاو یره‌ته‌دی.
جناب خلوتگرنینگ کوپه‌یتیریشیچه، ایچکی ایشلر وزیرلیگی‌نینگ اوشبو بویروغی‌دن سونگ، خبرچی‌لر تامانیدن 50 شکایت اوشبو اداره گه قید ایتیلگن.
سونگی کون‌لرده ایچکی ایشلر وزیرلیگی اوشبو وزیرلیک ایشلاوچیلری قطار معلوماتلرنی نشر ایتمه‌سی توغریسیده بیر بویروغ‌نامه صادر قیلدی. اوشبو بویروغ‌نامه امرالله صالح ایچکی ایشلر وزیرلیگی‌نینگ سرپرستی صفتیده تعیین ایتیلگنیدن سونگ نشر بولدی.
.jpg)
اوشبو بویروغ‌نامه‌نینگ نشر ایتیلیشی‌دن هدف « حساس بولگن معلوماتلرنی فاش ایتیلیشی نی آلدی آلینیش، ملی پولیس‌نینگ برچه اداری، عملیاتی و استراتژیکی بولیم‌لریده وظیفوی سِرلرنی سقلش، حربی و ملکی ایشلاوچیلرنی کیم‌لیگی نی سقلش و شونینگ‌دیک مرکز و ولایت‌لرده پولیس ایشلاوچیلری تینچ قالیشی» دیب ایتیلگن.
مذکور بویروغ‌نامه‌نینگ بیر موادی گه اوشبو وزیرلیک ایشلاوچیلریدن رسمی‌لرنی تقرر، تبدیل ایتیش، ترفیع‌لر و شونگه اوخشش باشقه نرسه‌لر توغریسیده بولگن بویروغ و حکم‌لرینی اجتماعی صحیفه‌لر و باشقه چاپی، صورتی و سیسلی رسانه‌لرگه نشر ایتمس‌لیکلرینی سوره‌گن.
