جوزجان‌ده بیر کیشی آنه‌سینی اولدیرگندن سونگ ایکّی سینگلیسی‌نی یره‌لنتیرگن.
جوزجان محلی رسمیلری‌نینگ ایتیشیچه، حادثه اوتگن کیچه شبرغان شهری جغسای قیشلاغیده روی بیرگن.
جوزجان والیسی‌نینگ سوزلاوچی‌سی محمدرضا غفوری‌نینگ سلام‌وطندارگه ایتیشیچه، صمیم ناملی بو ییگیت 25 یاشده ایکن.
جناب غفوری، صمیم آنه‌سینی برچه‌لب اولدیریب و باشقه ایکّی اوقووچی سینگلیسی‌نی هم یره‌لنتیرگن دیگن.
غفوریگه کوره، حاضرگه قدر حادثه علتی انیق معلوم بولمه‌گن.
اما جوزجان امنیه قومندان‌لیگی‌نینگ جنایی جرملرگه قرشی کوره‌ش مدیری نعمت‌الله کهزادنینگ ایتیشیچه، صمیم نینگ آنه‌سی و سینگلیلری بونگه پول بیریش‌دن باش تارتگن بیر پیتده بو حاد‌ثه‌گه قول اورگن.
جناب کهزادگه کوره، قاتل مخدر ماده‌گه چلینگن ایکن.
جوزجان امنیه قومندان‌لیگی‌نینگ جنایی جرملرگه قرشی کوره‌ش مدیری، قاتل حادثه ییریدن قاچیش‌گه موفق بولگن دیدی. اونی قولگه آلیش اوچون پولیس رسمیلری سعی و حرکت باشله‌گن دیدی جناب کهزاد.
