افغانستان شمالی‌ده جایلشگن جوزجان ولایتی نینگ محلی بلند مرتبه‌لی رسمیلری، حادثه سه‌شنبه‌دن چهارشبنه‌گه اوتر کیچه‌سی شبرغان شهریگه قر‌ه‌شلی «چهل مرد» قیشلاغیده یوز بیرگن دیدیلر.
جوزجان پولیس قوماندانلیگی نینگ خوفسیزلیک آمری عبدالحفیظ خاشی نینگ سلام‌وطندارگه ایتیشیچه، حاجیه ناملی 20 یاشر اونشتیریلگن اوشبو قیز اوزینی ارقانگه آسیب حیاتیگه پایان بیرگن.
جناب خاشی، حادثه نینگ اصلی سببی هنوزگچه معلوم ایمس دیدی. لیکن، قیزنینگ یقین قرینداشلری اوشبو عیال نینگ روحی کسللیگی بارلیگی باعث حیاتیگه نقطه قویگن بولیشی ممکن دیگنلر.
جوزجان پولیس قوماندانلیگی نینگ خوفسیزلیک آمری، حادثه یاروتیلیشی اوچون تیگیشلی اداره‌لر بو حقده تیرگاو باشله‌گنلر دیدی. سونگی بیر هفته نینگ جریانیده جوزجان ولایتیده یوز بیرگن بو اوچینچی واقعه حسابلنه‌دی.
