جوزجان ولایتیده ناگرانلر کینگشی و ناگرانلردن بیرقطاری نینگ سلام‌وطندارگه ایتیشیچه، بیرقطار منفعت طلب کیشی‌لر تامانیدن توزه‌لگن بیر اویوشمه جوزجان ناگرانلری آتی گه ریکشادارلردن پول توپله‌یدیلر.
اولرگه کوره، بو جریان 10 ییل‌دن بویان دوام ایته‌دی و بو اویوشمه ناگران کیشی‌لرگه بیر افغانی هم یاردم بیرمه‌گن.
ناگرانلر کینگشی مالی انجمن مسؤولی امین‌الله بابری و ناگران کیشی‌لر نماینده‌سی حفیظ‌الله نینگ ایتیشیچه، جوزجان ولایتیده آزمه-کوپ 10 مینگ ریکشا فعالیت قیله‌دی و هر بیر ریکشادن ییل‌ده 360 افغانی آلینه‌دی.
اولرگه کوره، 10 مینگ ریکشادن توپلنگن پول ییل‌ده 3 میلیون و 600 مینگ افغانی گه ییتیشه‌دی و بونچه پول ابراهیم خان آتلی کیشی نینگ شخصی حسابی گه کیته‌دی.
شونینگدیک، جوزجان مدنی فعاللریدن بیرقطاری، مذکور ولایتده بیرقطار منفعت طلب کیشی‌لر زوروانلرنینگ حمایتی بیلن ناگران کیشی‌لرنینگ آتی دن فایده‌لنیب تاولانچیلیک قیلیش‌لرینی تصدیق‌لیدی.
جوزجان مدنی فعاللریدن بیری علی‌شیر انتظارنینگ ایتیشیچه، منفعت طلب کیشی‌لرگه ناگرانلرنینگ آتی پول توپلب و اوندن شخصی فایده‌لنیش گه رخصت بیریلمه‌سی کیره‌ک.
سلام‌وطندارگه ییتیشگن حجت‌لرگه کوره، کونده‌لیک پول توپلنه‌دیگن 10 مینگ ریکشادن یالغیز 15 ریکشا جوزا ترانسپورت ریاستی ده رویخط گه آلینگن.
سلام‌وطندارگه صحبت بیرگن جوزجان ولایتی بوییچه شهیدلرنینگ ورثه‌لری و ناگران کیشی‌لردن مالی حمایت قیلووچی اداره آمری عبدالفتاح قاطع، بیر نیچه کیشی ناگرانلرنینگ آتی دن فایده‌لنیب اوزلری گه درامد منبعی ایجاد قیلگن‌لرینی تصدیق‌لیدی.
جناب قاطع گه کوره، ناگرانلر آتی گه هیچ بیر اویوشمه یوق دیر، بلکیم بو اویوشمه ریکشادارلر آتی توزه‌لگن و بو منفعت طلب کیشی‌لر بیرقطار رسمی‌لر و زوروانلر تامانیدن حمایت قیلینه‌دی.
عین حالده، جوزجان حاکمی سوزلاوچیسی فریدون انیق، بو بیانات‌لرنی تصدیقلمه‌ی ایتیشیچه، بونده‌ی بیر ایش بولگن صورتده، تیکشیریلیب و عیب‌لنگن کیشی‌لر عدلی و قضایی اداره‌لریگه تاپشیریله‌دی.
بیراق، ناگرانلر تامانیدن منفعت طلب‌لیک‌که عیب‌لنگن محمدابراهیم غازی نینگ ایتیشیچه، پول توپلش ناقانونی ایمس دیر و بو ایش جوزجان ترانسپورت ریاستی اویغونلیگی ده عمل گه آشیریله‌دی.
