جوزجان امنیتی مسوول‌لری نینگ سلام‌وطندارگه ایتیش‌لریچه، 6 یاشر بیر باله 35 یاشر بیر ایرکک تامانیدن جنسی زورلنگن.
جوزجان پولیس قومندانی عبدالواحد وجدان نینگ ایتیشیچه، اوشبو واقعه اوتگن "جمعه" کونی جوزجان ولایتی نینگ مردیان تومنی‌نی بالا مردیان قیشلاغیده یوز بیرگن.
جناب وجدان نینگ کوپه‌یتیریشیچه، مذکور واقعه طالبان نظارتیده بولگن منطقه‌ده یوز بیرگن، بیراق ینه‌هم امنیتی کوچلر قوم بویوک‌لر آرقه‌لی، عیب‌لنگن کیشی‌نی قولگه آلیش اوچون سعی و حرکت قیلماقده.
عین‌حالده، مذکور باله نینگ اقارب‌لریدن بیرقطاری، امنیتی کوچلر و طالبان گروهی بو موضوعی جدی شکلده تیکشیریب و عیب‌لنگن کیشی‌نی جزالنتیریش‌لرینی سوره‌گنلر.
شونینگدیک، جوزجان ولایتی بوییچه انسان حقوقی ایرکین کمیسیونی نینگ ساحوی دفتری مسوولی مغفرت صمیمی نینگ بو واقعه‌دن خواطر بیلدیریب ایتیشیچه، سونگی ناتینچلیکلر بونده‌ی واقعه‌لر یوز بیریشی‌گه سبب بولگن.
خانم صمیمی، دولت‌دن بو واقعه‌نی جدی شکلده تیکشیریب و عاملی‌نی قانونگه تاپشیریشینی سوره‌گن.
