له تېرې شنبې راهیسې د ننګرهار په شېرزادو او خوږیانو ولسوالیو کې د دوو حکومت ضد ډلو، داعش او طالبانو تر منځ د سیمو د نیولو پر سر جګړې روانې دي چې شاوخوا ۳زره کورنۍ یې له خپلو مېنو بېځايه کړيدي.
لهدې دوو ولسوالیو بېځایه شوي کډوال د خوږیاڼو امن سیمو، سرهرود او جلالاباد ښار ته کډه شويدي.
دا جګړې د شېرزادو او خوږیاڼو په نکړخېلو، ګندمک، زاوه، وتیسار، مرکيخېلو او نورو سیمو کې روانې دي.
بېځایه شوي کډوال وايي، له شېرزادو او خوږیاڼیو د ولسي خلکو د بېځایه کېدنې لړۍ اوس هم روانه ده؛ خو تر اوسه ورسره لومړنۍ مرستې هم نهدي شوي.
د شېرزادو له مرکيخېلو بېځایه شوي کډوال ـ چې اوس یې په سرهرود ولسوالۍ په نيمهودانې جونګړې کې اړولي ـ وايي، له سختو ستونزو سره مخ دي.
د ننګرهار چارواکي وايي، له تېرو څوو ورځو راهیسې شېرزادو ولسوالۍ کې د داعش او طالبانو ترمنځ جګړې روانې دي چې له امله یې زرګونه کورنیو خپلې مېنې پرېښي دي.
د ننګرهار د کډوالو او بېرته راستنېدونکیو چارو رییس نجیبالله قیومي سلام وطندار ته وویل، د شېرزادو او خوږیاڼو له مرکيخېلو، نکړخېلو، ګندمک، وتیسار او نورو سیمو راکډه شوي نږدې ۳زره کورنۍ یې ثبت کړي چې ژر به ورسره د مرستو لړۍ هم پیل کړي.
ښاغلی قیومي وايي، له شېرزادو او خوږیانو د ولسي خلکو د بېځایه کېدنې لړۍ اوس هم روانه ده چې کره شمېرې به یې وروسته رسنیزې کړي.
د ننګرهار چارواکي دې نښتو کې دواړو ډلو ته د مرګژوبلې اوښتو خبره کوي؛ خو کره شمېر يې نه دی په ډاګه کړی.
هاخوا ۲۰۱سېلاب قولاردو له لوري رسنیو ته لېږلې خبرپاڼه کې راغلي، د شېرزادو په نکړخېلو، ګندمک، وتیسار او ورڅېرمه سیمو کې د داعش او طالبانو تر منځ نښتې روانې دي چې تر اوسه پهکې ۹ طالبان وژل شويدي.
خبرپاڼه کې د داعش ډلې مرګژوبلې په اړه څه نهدي لیکل شوي.
تر اوسه داعش او طالبانو پهدې اړه رسنیو ته څه نهدي ویلي.
ورته مهال له شمالي فاریابه رارسېدلې خبرونه وايي چې د دې ولایت په دولتاباد ولسوالۍ کې د حکومتي ځواکونو او طالبانو ترمنځ د دوو اوونیو اوږدو نښتو له امله شاوخوا ۴سوه کورنۍ بېځایه شوېدي.
د دولتاباد اوسېدونکی احسانالله سلام وطندار ته وايي، د بېځایهشویو حالت ښه نهدی؛ خو تراوسه ورته حکومت هېڅ پام نهدی کړی.
د فاریاب د دولتاباد ولسوال عبدالرازق کاکړ وايي، دوې اوونۍ کېږي چې هره ورځ د سهار له ۶ بیا د شپې تر ۱۰بجو د امنیتي ځواکونو او طالبانو تر منځ جګړې روانې وي؛ خو امنیتي ځواکونه د طالبانو بریدونه شا ته تمبوي.
دی وايي، دغو جګړو کې دواړو لوریو ته مرګژوبله اوښتې؛ خو وايي، د طالبانو تلفات زیات دي.
ولسوال وايي، د دغو نښتو له امله شاوخوا ۴سوه کورنۍ لېرو کلیو ته بېځایه شوېدي.
عیني حال کې د فاریاب د کډوالو او بېرته راستنېدونکیو چارو رییس، رحیم ویلي، تازه له سفره راستون شوی او پهدې اړه هېڅ معلومات نه لري.
چارواکي وايي، د فاریاب د دولتاباد ولسوالۍ په جګړو کې دواړو لوریو ته مرګژوبله اوښتې؛ خو د طالبانو تلفات له ۳۰ اوړي.
دا داسې مهال ده چې د افغانستان د بشري حقونو خپلواک کمېسیون په خپل تازه رپوټ کې ویلي، د وړم کال په پرتله تېر کال هېواد کې د ملکيوګړیو مرګژوبله کې ډېروالی راغلی.
دغه رپوټ کې راغلي، یوازې تېر کال ټول هېواد کې د جګړو او شخړو له امله څه باندې ۳زره مکليان وژل شوي او نږدې ۹ زره نور ټپيان شوي.
ورته مطالب:
د طالب او داعش نښتې ۳زره زدهکوونکي له زدهکړو بېبرخې کړي
