بدخشان ولایتی‌نینگ کشم تومنیده بیر باله گه قیلینگن جنسی زوروانلیک جریانیدن قولگه کیریتیلگن حجت‌ده جنسی زوروانلیک قیلگن‌لرنینگ آگاه‌لنتیریشیچه، پول بیرمه‌گن صورتده، جنسی زوروانلیک جریانیدن آلگن ویدیونی اجتماعی صحیفه‌لرده ترقته‌دیلر.
بدخشان حاکمی احمدفیصل بیگ‌زادنینگ ایتیشیچه، مذکور ولایت‌نی ملی خوفسیزلیک اداره‌سی، جنسی زوروانلرنینگ سرکرده‌لری بولگن شنکر آتی‌گه تانیلگن بسم‌الله و بصیر آتلی ایکی کیشی‌نینگ قولگه آلگن.
جنسی زوروانلیک‌که دوچ کیلگن 16 یاشر احمدالله آتلی باله‌نینگ ایتیشیچه، بیرینچی‌دن شنکر آتلی کیشی اویی‌نینگ کلکین‌لرینی اولچش بهانه‌سی بیلن اونی دمبوره‌چی گل‌محمدنینگ اویی گه آلیب بارگن و اوندن سونگ، تهدید و زوردن اونگه تجاوز قیلگن‌لر.
اوشبو باله‌نینگ ایتیشیچه، زوروانلر جنسی زوروانلیک جریانیدن ویدیو آلگنلریدن سونگ اوندن 50 مینگ افغانی پول ایسته‌گنلر. اونینگ ایتیشیچه، پول کیلتیرمه‌گن صورتده، ویدیونی فیسبوک صحیفه‌سیده ترقه‌تیش دن آگاه‌لنتیرگنلر.
مذکور باله‌نینگ ایتیشیچه، یالغیز 15 مینگ افغانی تیارلش‌گه موفق بولگن و باشقه پول‌نی تیارلش اوچون زوروانلردن نیچه کون وقت آلگن.
شنکر آتی‌گه تانیلگن بسم‌الله حاضرده ملی خوفسیزلیک قمراویگه دیر. اونینگ ایتیشیچه، بو ایش‌نی انجام بیرمه‌گن و عیبی اثبات ایتیلگن صورتده، هرقندی جزا کورش گه تیار دیر.
بیراق قولگه توشگن حجت گه کوره، شنکر آتی‌گه تانیلگن بسم‌الله و دمبوره‌چی گل‌محمد اوشبو باله‌نی تهدید قیله‌دی و پول توللمه‌گن صورتده، جنسی زوروانلیک جریانیده آلینگن ویدیونی انترنیت گه ترقه‌تیشی نی بیلدیره‌دیلر.
بدخشان محلی مسووللری‌نینگ ایتیشیچه، بو گروه ایکی سرگرده‌سی اعتبارلی حجت بیلن قولگه آلینگن و باشقه اعضالرینی هم قولگه آلیش اوچون سعی و حرکت‌لرنی دوامی بار.
