اوتگن کون «دوشنبه، 8- ثور» جاغوری تومنی یشاوچیلریدن بیرقطاری نینگ ادعا قیلیشیچه، اوشبو تومن نینگ پولیس قومندانی و جنایی جرملرگه قرشی کوره‌ش آمری نینگ قوریقچی‌لری بولگن ایکی پولیس عسکر ایکی عیال گه تجاوز قیلیشگن. بوگون «سه‌شنبه، 9- ثور» مملکت ملی خوفسیزلیک کینگشی نینگ دفتری، بو ادعا تیکشیریلیشی اوچون غزنی ولایتی گه بیر هیأت یوباریلگنیدن خبر بیرگن.
ملی خوفسیزلیک کینگشی نینگ ایتیشیچه، بو هیأت ملی خوفسیزلیک کینگشی دفتری نینگ ییتکچیلیگی و عسکرلیک جنایتی گه قرشی کوره‌ش قاره‌لاوچیلیک اعضالیگی، محلی ارگانلر اداره‌سی، ملی خوفسیزلیک ریاستی و آغیر جنایت‌لرگه قرشی کوره‌ش اداره نماینده‌لری بیلن قضیه جدی شکلده تیکشیریلیشی اوچون جاغوری تومنی گه یوباریلگن.
جاغوری تومنیده ایکی عیال گه پولیس عسکرلریدن 2 ته‌سی تجاوز قیلگن ادعاسی دن سونگ، مذکور تومن یشاوچیلریدن اونلرچه‌سی ولسوال‌لیک بناسینی برابریده توپله‌نیب ناراضیلیک بیلدیریشگن. اعتراضچی‌لرنینگ ناراضیلیگی زوروانلیک‌که تارتیلدی و نتیجه‌ده بیر کیشی هلاک و باشقه 5 کیشی یره‌لنگن. اعتراضچی‌لرنینگ ادعا قیلیشیچه، بو ایکی عسکر ایکی عیال گه تجاز قیله‌دیگن چاغده قولگه آلینگن.
اوشبو ایکی عسکر تامانیدن جنسی تجاوز ادعاسی باعث، مذکور تومن نینگ امنیتی رسمی‌لریدن ایکی کیشی ایش‌دن آلیندی. شونده‌ی بیرحالده، غزنی حاکمی نینگ دفتری، باشقه کیشی جاغوری تومنی نینگ سرپرستی صفتیده تعیین قیلینگنینی ایتدی.
شونینگدیک، اوتگن کون «دوشنبه، 8- ثور» ایچکی ایشلر وزیرلیگی نینگ سوزلاوچیسی طارق آرین، تجاوزگه عیب‌لنگن ایکی عسکر قولگه آلینیب تیرگاو آستیده بولگنینی بیلدیردی.
