جمهور رییس غنی‌نینگ ایتیشیچه، امنیتی کوچلر دشمن‌لرنینگ ریجه‌لریگه توسیق بولگن، حاضر دشمن‌لر مغلوبیت‌لرینی یاشیریش اوچون مملکت‌ده خودکش و پارتلش هجوم‌لری‌گه قول اوره‌دی.
جمهور رییس، شنبه کون افغانستان‌ده سویدن ایلچیسی پیتر سمنیبی بیلن اوچره‌شگن چاغیده اوشبو مطلب‌نی بیان ایتیب کوپه‌یتیریشیچه، مملکت یشاوچی‌لری حساس بیر شرایط‌ده قرار تاپگن، بیراق حکومت بیلن بیرگه بولیب، توغری یولگه حرکت قیلماقده‌لر.
جمهورلیک سرایی تامانیدن نشر ایتیلگن خبرنامه‌گه کوره، جناب غنی‌نینگ بو اوچره‌شووده ایتیشیچه، نیچه آیدن بویان امنیتی وضعیت توغریسیده اویله‌یدی، غنی‌گه کوره، مملکت امنیتی و دفاعی کوچلری اورته‌سیده اویغورلیک کوپیگن و حاضر برچه کوچلر بیرلیک‌ده حرکت قیله‌دی.
جمهور رییس شونده‌ی بیرحالده، امنیتی کوچلر اویغورلیگی و دشمن‌لرنینگ مغلوبیتی توغریسیده خبر بیره‌دی، طالب‌لر جاری ییل باشلنگنی‌دن کیین مملکت ایریم منطقه‌لری اینیقسه شمال ولایت‌لریده هجوم لرینی کوپه‌یتیرگن.
ینگی‌لیک‌ده ییتیب کیلگن گزارش‌لرگه کوره، اوشبو گروه بیر کیچه آلدین هلمند ولایتی موسی قلعه تومنی اوستی‌گه هجوم اویوشتیرگن، نتیجه‌ده امنیتی کوچلردن 31 ته‌سی هلاک بولیب و باشقه بیرقطاری توتقونگه آلینگن.
اوشبو توقنه‌شوو نتیجه‌سیده طالب‌لر امنیتی کوچلرنینگ اونلرچه زرهی تانک‌لرینی اوزلری بیلن آلیب کیتگن.
جمهور رییس غنی، جمهورلیک سرایی‌ده اوتکزیلگن اوچره‌شووده سویدن مملکتی همکارلیک‌لری و ایشلریدن منتدارلیک بیلدیریب، ملی بیرلیک حکومتی تشکیل ایتیلگنی‌دن بویان دنیا مملکت‌لری بیلن ینگی علاقه باغله‌گن و بو حکومت اوشبو مملکت‌لرگه بیرگن سوزلرینی عمل‌گه آشیره‌دی.
عین حالده، جمهور رییس بو اوچره‌شووده سویدن یاردم‌لرینی جذب ایتیش افغانستان‌نی بیرینچی ایش لایحه‌سی دیب ایتیشیچه، سویدن تینچ‌لیک طرافداری صفتیده، تینچ لیک‌که زمینه یره‌تیش، اورگه‌تیش، عیال‌لر، باله‌لر و اقتصاد وضعیتی یخشی‌لنیشی خصوصیده ایجابی لایحه‌لرنی ارایه ایتیشی کیره‌ک.
شونینگ‌دیک کابل‌ده سویدن ایلچیسی پیتر سمنیبی‌نینگ ایتیشیچه، افغانستان‌ده وظیفه آلگنی‌دن خرسند دیر.
شونینگ‌دیک جناب سمنیبی‌نینگ سوز بیریشیچه، تجربه‌لریدن ایری بولیم‌لرگه ایش‌آله‌دی.
