لوگر ولایتی معارف اداره‌سی‌نینگ مسوول‌لریگه کوره، جمهور رییس غنی آته‌سی‌نینگ قیشلاغی بولمیش محمدآغه تومنی‌نینگ سرخاب قیشلاغی‌ده‌گی 7 مکتب ایشیگی اوقوچی‌لر یوزیگه یاپیگن‌لیگی باره‌سیده خبر بیرگن.
لوگر معارف اداره‌سی‌نینگ باشلیغی شاه‌پورعرب‌نینگ ایتیشیچه، مکتب‌لردن اوچ ته‌سی قیزلرنینگ و بیشته‌سی ایسه اوغیل باله‌لرمکتبی‌دن عبارت. ولایت مسوول‌لری، بو مکتب‌لر جنگری طالب‌لر تامانیدن یاپیب قوییلگن دیگن‌لر.
جناب عرب‌گه کوره، بوگون (شنبه) ایرتلب اونلب جنگری سرخاب قیشلاغی‌گه هجوم قیلگن‌لر. لوگر معارف اداره‌سی‌نینگ باشلیغی، قیشلاق‌نینگ اوقیتوچی‌لری همده اوقوچی‌لری عصیانچی طالب‌لر طرفیدن نیچه بار اولیم‌گه تهدید ایتیلگن‌لر دیگن. جناب‌عرب، اوشبو مکتب‌لرده کمی‌ده ایکّی مینگ اوقوچی درس بیلن شغللنردی دیدی.
سلا‌م‌طوندارگه صحبت بیرگن محمدآغه تومنی‌نینگ پولیس قوماندانی مطیع‌الله صادق خبرنی تصدیق‌لب، هنوزگچه بو توغریده کوپراق تفصیلات بیریلمه‌گن لیگینی اظهار قیلگن.
شونینگ‌دیک موضوعنی تن آلگن سرخاب قیشلاغی‌نینگ یشاوچی‌لری اوشبو قیشلاقده بیر شفاخانه هم جنگری طالب‌لر تامانیدن یاپیلگن لیگینی ایتگن‌لر.
جنگری طالب‌لر تامانی هنوزگچه بو توغریده بیرار نرسه دیمه‌گن.
