جمهور رییس غنی‌گه کوره، اوغیرلنگن یوللاوچیلر قویب یوباریلیشی اوچون پول هم بیریلمه‌گن، مجرم هم قویباریلمه‌گن.
جناب غنی‌نینگ ایتیشیچه، حکومت سیاستی المشتیریش ایمس و شوحاضر قالگن یوللاوچیلر قویب یوباریلیشی اوچون حکومت تلاش قیلیب کیلماقده.
دوشنبه آقشام کیش قورونده جمهور رییس غنی خبری ییغین اوتکزیب، قویب یوباریلگن یوللاوچیلر توغری سیده سوزگه چیقیش قیلیب، مذکور یوتوقنی اهالی‌گه قوتلوغ‌لشی بیلن مذکور یوللاوچیلر توغری سیده امنیتی کوچلر ایشلری‌نی آلقیش‌لب، اوز منت‌دارلیگی‌نی بیلدیردی.
دوشنبه کون ایرته‌لب 31 یولاوچی‌دن 19 ته‌سی زابل ولایتی جاغوری تومنی‌نینگ پاتو قیشلاقی‌ده قویب یوباریلدی.
موندن آلدین مذکور یوللاوچیلر قویب یوباریلیشی اوچون جنگری‌لرگه 21 باله و 7 عیال بیلن المشتیریلگن‌لیگی ایتیلگن ایدی.
اما جناب غنی پول و تورمه ده‌گی جنگری‌لردن مذکور یوللاوچیلر اوچون بیریلگنی‌نی رد قیلدی و شوحاضر مذکور باله‌لرملی امنیت نظری آستیده ایکن‌لیگی‌نی تیلگه آلدی.
جناب غنی‌گه کوره، مذکورباله‌لر تشقی تروریست‌چیلر عایله اعضاسی بولیب بدخشان قارکوچگوسی‌ده ترورستی هجوم اویوشتیریش نیتی‌ده ایکنلر؛ اما امنیتی کوچلر واستطه‌سی بیلن هدف آلینگن‌لیک‌لری ایتیله‌دی.
ایتیلیشیچه، بوباله‌لر اوزبیکستان‌لیک ایکنلر.
شونینگ‌دیک جناب غنی‌نینگ کوپه‌یتیریشیچه، مذکور اوغیرلنیش تینچ اهالی اوچون تجربه بولدی تا اولکه داشلر جانینی اسره‌ش حکومت بیرینچی ایشی بولسه.
او، بوتوغری‌ده حکومت جیم قالیشی اعتناسیزلیگی ایمس ایدی، بلکیم اوغیرلنگن‌لر جانینی اسره‌ش اوچون حوصله قیلگن‌لیکلرینی کوزه‌ته‌دی.
شونینگ‌دیک جمهور رییس غنی قویب یوباریلگن یوللاوچی‌لرغزنی ده‌گی محلی حکومت‌گه تاپشیریلگن و هوا مناسب بولمه‌گن‌لیگی دلیل کابل کیلتیریلمه‌گن‌لرینی اورغوله‌دی.
جمهور رییس غنی‌گه کوره، حکومت ایشینی باشله‌گن زمان کوپلب قیینچی‌لیکلر بیلن روپه‌ره بولیشی‌نی بیلردی و اهالی‌گه مذکور قیینچی‌لیکلر ییچیلیش وعده‌سینی بیرگن.
اوتگن ییل حوت آی نینگ 4-سی دوشنبه کونی‌ده نقاب کییملی تانیق سیز کیشی‌لر 31 یوللاوچی‌نی کندهار-کابل شاه قتناو یولی، زابل ولایتی‌نینگ شاه‌جوی تومنی‌دن یوللاوچی‌لرایچیدن سیلب آلگن‌دن کیین اوزلری بیلن آلیب کیتگن ایدیلر.
