بوگون (چهارشنبه) پارلمان‌نینگ عمومی ییغینی‌ده گپیرگن مجلس‌نینگ بیر قنچه اعضالری، جمهور رییس بولردن هنوزگچه بودجه‌سینی 80% صرفله آلمه‌گن وزیرلرنی چقیرتیریب ایش‌دن آلینیشی‌نی سوره‌گن لیگینی اظهار قیلگن‌لر.
نماینده‌لر مجلسی‌نینگ بودجه و مالی ایشلری بوییچه کمیسیون باشلیغی امیرخان‌یار، جمهور رییس‌غنی اوتگن کیچه (سه‌شنبه کیچه‌سی) ملی مجلس‌نینگ قطار اعضالری بیلن اوچره‌شیب، هنوزگچه 80% بودجه‌نی صرفلش‌گه موفق بولمه‌گن برچه وزیرلر صلاحیت‌دن آلینیشی‌نی ایتگن لیگینی بیلدیرگن. غنی بو توغریده مجلس‌دن همکارلیک سوره‌گن.
جناب یار، سوو برق وزیرلیگی، قیشلاقلرنی رواجلنتیریش، ساغلیق‌نی سقلش و زراعت وزیرلیگی هنوزگچه بودجه‌لرینی صرفلمه‌گن لیگینی بیلدیرگن.
جناب یار، هلیگیچه بوتون وزیرلیک‌لرنینگ 20% بودجه‌لری صرفلنگن لیگینی تیل‌گه آلگن.
نماینده‌لر مجلسی‌نینگ بودجه و مالی ایشلری بوییچه کمیسیون اعضاسی قادر زازی، قطار وزیرلر40- 50% بودجه‌لرینی صرفله میدیلر و جمهور رییس‌نینگ بو تدبیری بو قبیل وزیرلرنی ایش‌دن آلیش جریانینی تیزلشتیره‌دی دیگن.
اقتصادی ایش بیلرمانلرگه کوره، دولت اداره‌لری ملی بودجه‌نی صرفلش اوچون دییرلی قابلیت‌گه ایگه بولمه‌گن حالده، وزیرلیک‌لرنینگ ترقیات بودجه‌لری فایده‌لی روشده صرفلنمیدی دیگن‌لر.
