جمهور رییس غنی‌نینگ ایتیشیچه، دنیا مملکت‌لری افغانستان بیلن بیرلشگن و دشمن سقوط عرفه‌سیده قرار تاپگن. جناب غنی بوگون (جمعه) قندوز ولایتی‌گه باریب بیر خبری ییغینده ایتیشیچه، دنیا مملکت‌لری افغانستان دشمن‌لریدن اوشبو مملکت ایشلریگه اره‌لشمس‌لیگینی سوره‌گن؛ چونکه افغانستان حق دیر.
جمهور رییس غنی‌نینگ ایتیشیچه، قندوز اوستیگه طالب‌لر تامانیدن اویوشتیریلگن هجوم باعث، دنیا مملکت‌لری افغانستان بیلن بیرلشگن. غنی‌نینگ کوپه‌یتیریشیچه، ثباتلی افغانستان منطقه منفعتی‌گه دیر و بونده‌ی بولمه‌گن صورتده، منطقه خلق ارا تروریست‌لریگه روپه‌ره بولیشی ممکن.
جمهور رییس‌گه کوره، قندوز واقعه‌سیدن کیین، امیریکه جمهور رییسی، امنیتی کوچلر ثابت قیلگنی و حاضرگی تیزیم‌گه ایشان گنینی ایتکن. جناب غنی‌گه کوره، اوباما تلیفون علاقه قوریب، افغانستان بو خطرنی اوتکزگنیدن کیین، سرمایه یاتقزیش‌گه ارزیدیگنینی تیلگه آلگن.
غنی‌گه کوره، قندوز واقعه‌سی ایشانچ سیزلیک‌که فضا یره‌تکن ایدی. بیراق امنیتی کوچلرنینگ سعی و حرکتی بیلن بو فضا تیزلیک‌ده امیدگه اوزگرگن. اونینگ اورغولشیچه، امنیتی کوچلرنی سیاست‌دن اوزاقلشتیریش خصوصیده سعی و حرکت قیله دی.
جمهور رییس‌نینگ ایتیشیچه، ملی امنیت کینگشی قراری‌گه اساس، شمال‌شرق منطقه‌سی بوتونله‌ی قوراللی طالب‌لردن تازه‌لنه‌دی. او، اوشبو ییغینده امنیتی کوچلردن اوروش جریانیده تینچ اهالی‌گه زیان ییتکیزیلمس‌لیگی خصوصیده سعی و حرکت قیلیش‌لرینی سوره‌دی. شونینگدیک جناب غنی، امنیتی قوریلمه‌لر یانیده بنا قوریلیشی‌دن خبر بیریب ایتیشیچه، اوشبو بنالر امنیتی کوچلرنینگ عایله‌لری اوچون قوریله‌دی و قوریلیش ایشی کیله‌سی ییل‌گچه باشلنه‌دی.
جمهور رییس، اوشبو سفرده امنیتی کوچلردن بیرقطاری جمله‌دن حربی کوچلر اورین باسری جنرال مراد علی مرادنینگ قندوز واقعه‌سی جریانیده قیلگن فعالیت‌لریدن مدال ارا قدرله‌دی.
شونینگدیک حربی کوچلر اورین باسری، اوشبو ییغینده طالب‌لرنینگ یوزی قاره دیب ایتیشیچه، مذکور گروه قندوز واقعه‌سیگه شکست ییگن. اونینگ کوپه‌یتیریشیچه، هیچ قچان دشمن‌گه لایحه‌لرینی افغانستانده عمل‌گه آشیریش خصوصیده رخصت بیرمه‌یدی.
قندوز اوستیگه طالب‌لر تامانیدن اویوشتیریلگن هجوم‌دن کیین، بو دولت ییریک رسمی‌لریدن بیری‌نینگ بیرینچی سفری دیر.
شونده‌ی بیرحالده، گزارشلرگه کوره، امیریکه جمهور رییسی میلادی 2016 ییلدن سونگ هم نیچه مینگ امیریکه‌لیک حربی افغانستانده قالیشی‌گه قرار قیلگن.
امیریکه جمهوررییسی باراک اوباما میلادی 2016 ییلدن سونگ امریکه حربیلری‌نینگ افغانستانده قالیش خصوصیده‌گی ینگی برنامه‌سینی اعلام ایتماقچی، بو برنامه اساسیده امیریکه حربیلری کابل، بگرام قندهار و جلال آباد ده‌گی تورت حربی قرارگاه ده جایله‌شیشلری ممکن.
حاضرگه قره‌گنده 9800 امیریکه‌لیک حربی افغانستانده فعالیت آلیب بارماقده، امریکه‌نینگ آلدینکی برنامه‌سی اساسیده، بو کوچلر میلادی 2016- ییل سونگی‌ده افغانستاننی ترک ایتیشی کوتیلرایدی.
ینگی برنامه اساسیده 5500 امیریکه‌لیک حربی افغانستانده قالیشی ممکن‌لیگی ایتیلگن.
اوتگن کیچه امریکه مدافعه وزیری اشتون کارتر، افغانستان‌نینگ جاری وضعیتی‌گه قره‌گنده میلادی 2016- ییلدن سونگ هم امیریکه حربیلری‌نینگ قالیش مساله‌سی کوریب چیقیلیشی امیریکه اوچون اوته مهم لیگینی تاکیدله‌گن ایدی. شونینگدیک کارتر جنابلری امیریکه کوچلری افغانستاننی ترک ایتمسلیگینی هم اورغوله‌گن.
