افغانستان جمهور رییسی محمداشرف غنی بوگون (سه‌شنبه) رسمی تشریف بیلن تاجکستان کیتدی.
جمهور رییس سوزلاوچی‌سی‌نینگ اورین باسری دواخان مینه‌پال سلام‌وطندارگه، جمهور رییس‌غنی ایکّی کونلیک سفر بیلن رسمی دوشنبه‌گه کیتدی دیگن. اونینگ سوزلریگه قره‌گن‌ده، غنی مذکور سفرده تاجکستان جمهور رییسی امان‌علی رحمان بیلن، امنیت و اقتصاد مساله‌سینی اوز ایچیگه آلوچی موردلر اوستی‌ده بحث آلیب باریشی کوتیله‌دی.
مینه‌پال، جمهور رییس‌غنی، تاجکستان ملی مجلسی‌نینگ باشلیغی ینه باش وزیر بیلن اوچره‌شیب ملاقات اوتکزیشی هم مول‌جللنگن دیگن. بو ملاقات‌لرده هم کوپراق خوفسیزلیک و اقتصاد مساله‌سی محاکمه ایتلیشی تاکیدلنه‌دی.
سوزلاوچی، مذکور سفرده ایکّی مملکت رهبرلری اورته‌سی‌ده بعضی کیلشولرگه قول قوییله‌دی دیگن.
جمهور رییس‌لیک سرایی تامانیدن ترقه تیلگن رسمی بیانات‌ده، مملکت رهبری تاجکستان دولت بیلیم یورتی‌ده سوزگه چیقیب، کپیریشی هم انابت‌گه آلینگن دیگن.
جمهور ریس‌غنی نینگ اوشبو سفرده مملکت تشقی ایشلر وزیری صلاح‌الدین ربانی، سوو برق وزیری علی‌احمد عثمانی، باشقرهلاوچی فریدحمیدی و برشنا شرکتی‌نینگ باشلیغی قدرالله دلاوری لر یولداشلیک قیله‌دیلر.
