افغانستان جمهور رییسلیک سرایی نینگ مطبوعات خذمتیدن نشر ایتیلگن خبرنامه ده، جمهور رییس محمداشرف‌غنی رسمی بیر تشریف بیلن بیرلشگن عرب امیرلیکلریگه سفر قیلگنی بیلدیرلگن.
جناب غنی عرب امیرلیک دولتلری نینگ دولت باشلیغی شیخ خلیفه بن زاید آل نهیان نینگ رسمی چقریغی اساسیده بو مملکتگه جونیب کیتگن. غنی « خطرگه روپه ره بولگن مدنی میراثلر» یغینیده اشتراک قیلیشی کوتیله‌دی.
شونینگدیک خبرنامه‌ده یازیلیشیچه، جمهور رییس‌غنی اوشبو سفر جریانیده بو ییغینده اشتراک قیلیب نطق سوزله‌شیدن تشقری عرب امیرلیگی مستقللیگی نینگ 45 ییلگی مناسبتی بیلن اوتکزیلیشی ریجه لنتریلگن ییغینده هم قتنشه‌دی.
جمهور رییس‌نی بو سفرده مملکت تشقی ایشلر وزیری صلاح‌الدین ربانی، جمهور رییس لیک سرایی نینگ ایشلری بوییچه اداره باشلیغی عبدالسلام رحیمی، جمهور رییس نینگ مصلحتچیسی اجمل‌غنی و جمهور رییسلیک سرایی نینگ سوزلاووچیسی محمد هارون چخانسوریلر یولداشلیک قیله‌دی.
