جمهور رییس محمداشرف‌غنی بویروغی اساسیده، سیلاولر تیزیمیگه اصلاحات کیلتیریش کمیسیون 7 بویروغی‌نی تن قیلگن.
جمهورلیک سرایی خبرنامه ترقه‌تیشی بیلن سیلاوکمیسیونلریگه اصلاحات کیلتیره‌دیگن کمیسیون بیرینچی قیسقه مدتلی پیشنهادلری قبول قیلگن.
خبرنامه‌ده جمهور رییس تامانیدن تأیید بولگن 7 نرسه قیسی‌لیگی انیق بولمه‌گن.
بیرهفته آلدین سیلاوکمیسیونلریگه اصلاحات کیلتیره‌دیگن کمیسیون، 40 کون ایشی باشله‌نیشی‌دن اوتیشی بیلن بیرینچی پیشنهادینی حکومت‌گه ارایه قیلدی.
ارگ‌دن ترقه تیلگن خبرنامه‌ده، جمهور رییس عدلیه وزیرلیگی و عمومی اداره باشقروییده سیلاوکمیسیونلریگه اصلاحات کیلتیره دیگن کمیسیون‌نینگ مذکور 7 تکلیفی قانونی شکلیده عمل‌گه آشیریلیشی باره‌سیده اساسلب وظیفه بیرگن.
شونینگ‌دیک جمهور رییس بو بویروغ اساسیده، بولگن پیشنهاد حقوقی، تخنیکی، عملی بولیملرینی تیکشیریب و تفصیلی بولیملرینی اجراییه ریاستی آرقه‌لی جمهور رییس‌گه تاپشیریله‌دی دیگن.
خبرنامه‌گه کورهَ، جمهور رییس بویروغی اساسیده سیلاو ایرکین کمیسیونی پارلمانی و ولسوال‌لیکلر کینگشی اوتکزیلیش سیلاو تاریخی‌نی اصلاحات کیلتیره دیگن کمیسیون پیشنهادیگه اساسلب انیقله‌شینی اورغوله‌گن.
افغانستان جمهور رییسی اشرف‌غنی سیلاولرگه اصلاحات کیرتیش کمیسیون‌نینگ مجموعی تکلیفی سیلاولر کمیسیونی تامانیدن جدی عکس العمل‌گه روپه رو بولگن بیر چاغده بو حقده فرمان چیقارگن.
مملکت سیلاولر مستقل کمیسیونی سیلاولر تیزیمیگه اصلاحات کیرتیش کمیسیون تاسیس ایتلیشی‌نی قانوندن یوقاری بیلیب، بو کمیسیون تکلیف‌لری عمل‌گه آشیریمس‌لیگینی بیلدیرگن.
اما، افغانستان جمهور ررییسی محمد اشرف‌غنی اوتگن هفته پنج شنبه کونی جمهور رییس‌لیک سراییده سیلاولر تیزمی‌گه اصلاحات کیریتیش کمیسیون مسؤوولری بیلن بولگن اوچره شوویده مذکور کمیسیون ایشلری دوام ایتیشی همده بو کمیسیون حمایت ایتیلیشی نی ایتگن ایدی.
