افغانستان جمهور رییسی مملکت‌ده قانون بوشلیغی وجودگه کیلیش اوچون رخصت بیرمی‌دی
جمهور رییس‌لیک سرایی نینگ بیر خبرنامه‌ده یازیشیچه، جناب‌غنی بوگون ایریم اداره‌لر فعاللری بیلن نماینده‌لر مجلسی تقدیری، پارلمانی سیلاولر اوتکزیلیشی و سیلاولرگه اصلاحت کیرتیش کمیسیون ایش‌گه باشله‌شی توغریسیده صحبت قیلگن. ییغین جمهور رییس‌لیک سرایی‌ده اوتکزیلگن.
خبرنامه‌ده، ییغینده مدنی جماعه‌چیلیک فعاللری، حقوقچی‌لر و بیرلشگن ملت‌لر تشکیلاتی‌نینگ نماینده‌لری قتنشیب بو خصوص‌ده بولگن تکلیف‌لرینی جمهور رییس گه بیان قیلگن‌لر.
خبرنامه‌نینگ جمهور رییس‌گه اساسلب یازیشیچه، مجلس تقدیری اوچون افغانستان اساسی قانونی‌گه قرشی هیچ قنده‌ی قرار قبول قیلمدی.
عین‌حالدهَ، جناب غنی اوچره‌شووده افغانستان توزومی‌گه قانونی بوشلیق کیلمس‌لیگی‌دن سوز بیرگن.
شونینگ‌دیک اوتگن هفته نماینده‌لر کینگشی هم حکومتنی پارلمان سیلاوی‌نینگ اوتکزیش بولیمی‌گه توجه سیزلیک‌که عیب‌لگن قیلگن.
بونماینده‌لر کینگش عمومی ییغینیده، ولسی جرگه کیله‌جک حیاتی قانونی بولیشی توغریسیده حل یول تاپیش نی سوره‌گن‌لر.
اولرگه کوره، کینگش نینگ ایش وقتی اوتیشی قانون گذارلیک توغریسیده بوشلیق کیلتیره‌دی.
اما بوگون کینگش باشلیغی عبدالرووف ابراهیمی مذکور ییغینده، نماینده‌لرنینگ کینگش 16 – دور ایشی اداغیگه ییتیشیشی توغری‌سیده‌گی خواطرلرینی اساس سیز دیگن.
اوتگن هفته کینگش اعضالریدن کوپچیلیگی اساسی قانون 83- ماده‌سی‌گه قره‌گنده، پارلمانی سیلاو بولیب اوتمه‌گن صورتده، کینگش ایش دوره‌سی پایانی‌گه ایته‌دی دیگن ایدیلر.
اولکه اساسی قانون83- ماده سیگه کوره، ولسی جرگه ایش تاریخی بیشینچی ییل سرطان آیی نینگ باشله‌نیشی، سیلاو نتیجه‌سی اعلان بولیشی بیلن اوز اداغیگه ییته‌دی و سیلاودن ایشانچ آواز آلگن ینگی اعضالر اوز ایشینی باشله‌یدی.
حاضرگه قدر کینگش سیلاوی‌نینگ قنده‌ی معلوم ایمس.
