هرات قماق‌خانه مسؤوللری، جمهور رییس بویروغی اساسیده، بو ولایتده تورمه گه آلینگن 80 کیشینی قوییب یوباریلگنیدن خبر بیره‌دیلر.
هرات قماق‌خانه مدیری عبدالله عزیزی‌نینگ ایتیشیچه، اوشبو محبوسلر جمهورلیک ریاستی 41- فرمانی اساسیده، روزه بیره‌م هییت مناسبتی‌ده، دوشنبه کون قوییب یوباریلیب و عایله اعضالریگه قوشیلگنلر.
اونگه کوره، قوییب یوباریلگن محبوسلر جمله‌سیدن 77 ته‌سی ایرکک و 3 ته‌سی عیال دیر.
جناب عزیزی‌نینگ کوپه‌یتیریشیچه، اوغیرلاوچیلیک، اولیم، ایچکی و تشقی امنیت‌گه قرشی پارتلش و بوزغونچی‌لیک فعالیت‌لریگه عیب‌لنگن محبوسلر بو فرمانگه شامل بولمه‌یدیلر.
شونینگ‌دیک، جاری ییل ثور آیی‌ده، جمهور رییس بویروغی اساس، هرات قماق‌خانه‌سیدن 400 دن آشه‌راق محبوس قوییب یوباریلگن ایدی.
هرات ولایتی قماق‌خانه مسؤول‌لری‌گه کوره، حاضر 200 عیال شامل کمیده 3000 محبوس هرات قماق خانه‌سیده سقلنه‌دی.
