بوگون «جمعه» افغانستان جمهور رییسی محمداشرف غنی پاکستان باش وزیری شاهدخان عباسی بیلن اوچرهشگن چاغیده ایتیشیچه، افغانستان منطقه تینچلیگی و برقرارلیگی‌نینگ کلیدی دیر. جمهور رییس گه کوره، افغانستان و پاکستان حساس بیر وضعیت‌ده قرار تاپگن و ایکی مملکت باشلیغ‌لری آله‌دیگن قرار کیله‌جک نسل‌لرنینگ تقدیری گه تأثیر قویه‌دی.
پاکستان باش وزیری بیلن اوچره‌شگنده جمهور رییس غنی دیورند چیزیغی‌نینگ او تامانیدن موشک آتیش‌لر و چیگره خطاکارلیک‌لریدن ایسلب کوپه‌یتیریشیچه، حاضرگی وضعیت افغانستان و پاکستان‌نینگ منفعتی گه ایمس دیر. جمهور رییس گه کوره، برچه خواطرلر و قیین‌چیلیک‌لر رسمی شکلده سوزلشوولر بیلن حل بولیشی کیره‌ک.
اوشبو اوچره‌شووده بحث گه آلینگن باشقه موضوعلر افغانستان آرقه‌لی اورته آسیا برقی نی پاکستان گه اوتکزیش و برق انتقالی خصوصیده، قوشمه هیأت تشکیل ایتیلیشی دیر. شونینگ‌دیک، بو اوچره‌شووده کویته-قندهار، پشاور-جلال‌آباد تیمیر یولی ایجاد ایتیلیشی و جلال‌آباد-پشاور قتناو یولی قوریلیشی بولگن.
جمهورلیک ریاستی دن بیر منبع نینگ ایتیشیچه، پاکستان باش وزیری دولت بیلن دولت سوزلشوولری باشله‌نیشی خصوصیده، افغانستان کیلگن؛ بیراق بو سوزلشوولر قچان و قنده‌ی بیر شرایط‌ده باشله‌نیشی معلوم ایمس دیر.
شونینگ‌دیک، اوشبو اوچره‌شووده پاکستان باش وزیری طالب‌لر بیلن حکومت تینچلیک تکلیفی‌نی خوش قرشی‌لب ایتیشیچه، تینچلیک سوزلشوولری افغانستان حکومتی‌نینگ رهبرلیگی‌ده عمل گه آشیریلیشی کیره‌ک.
جمهورلیک ریاستی‌نینگ منبعی، پاکستان باش وزیری‌نینگ بوگونکی سفرینی افغانستان تینچلیگی گه نسبتن منطقه توشونچه‌لری اوزگرگنی باعث، امیدوارلی بیلیب ایتیشیچه، افغانستان حکومتی بو سفر ایکی مملکت آره‌سیده ایشانچ کیلتیریشی گه امید قیله‌دی.
بوگون «جمعه، 17- حمل» پاکستان باش وزیری شاهدخان عباسی، افغانستان رسمی‌لری بیلن مذاکره قیلیش اوچون کابل کیلگن.
