جمهور رییسلیک سرایی، قوراللی طالبلر دولت ترماقلری همکارلیگی سیز ترورچیلیک هجوملرنی صادر قیلیش کوچیگه ایگه ایمس.
جمهور رییس مطبوعات خذمتی نینگ سرپرستی شاه حسین مرتضوی، شاهین 209- قول اردوده یوز بیرگن حادثه نینگ تورلی بولیملری اورگه نیلماقده دیگن.
جناب مرتضوی، بو قبیل هجوملرنی عملگه آشیریش‌ده تشقی ترماقلر هم جنگری طالبلرگه همکارلیک قیلیشینی ایته‌دی. حاضرگی کونده افغانستان دنیا نینگ اوز میدانیگه ایلگن لیگینی تیلگه آلگن.
او، حکومت رهبرلیگی و ملی کوچلر ترروچی گروه‌لرنی نابود قیلیش اوچون کوچلی اراده‌گه ایگه لیگی باره‌سیده تاکید قیلدی.
جمهور رییسلیک سرایی نینگ مطبوعات بولیمی سرپرستی، شاهین 209- قول اردو مرکزیده یره‌لگن حربیلر دواله‌نیشی اوچون بوتون امکانیتلردن فایده‌له نیله‌دی. بوندن تشقری قربان بولگن عسکرلرگه ترفیع بیریلیشی هم نظرده توتیلگن دیدی جناب مرتضوی.
بلخ ولایتیده جایلشگن شاهین 209- قول اردوسیده اویوشتیریلگن هجوم مملکت‌ده‌گی اینگ ییریک قانلی واقعه حسابلنه‌دی. بو حادثه مملکت خلقی نینگ قتیق عکس‌العملی‌گه سبب بولدی.
