سیلاو قانونی، لایحه‌سی و ایش طریقه‌سی اساسیده، سیلاو کمپاین‌لریده دولتی ایشلاوچیلرنینگ اشتراکی و حضوری منبع ایتیلگن.
سیلاو قانونی‌ده کیریتیلگن موضوع گه کوره، دولت ایشلاوچی‌لریدن هیچ بیری جمهورلیک ریاست سیلاو نامزدلریدن هیچ بیری نینگ منفعتی یا-ده زیانی گه فعالیت قیله آلمه‌یدی.
بوندن آلدین جمهور رئیس غنی، دولت ایشلاوچی‌لریگه سیلاو کمپاین‌لریگه اشتراک یا-ده فعالیت قیلیشی خصوصیده حق‌لری یوق‌لیگی‌نی بیلدیرگن ایدی.
بیراق، جمهور رئیس غنی‌نینگ فرهنگی ایشلر بوییچه ییریک مصلحتچی‌سی شاه‌حسین مرتضوی، جمهورلیک ریاستی سیلاوی نینگ کمپاین‌لری باشلنگنی‌دن حاضرگچه فیسبوک صحیفه‌سی آرقه‌لی، دولت قوروچی تیم منفعتی‌گه کمپاین قیله‌دی.
سونگی پیت‌لرده جناب مرتضوی نینگ فیسبوک صحیفه‌سیده یازیشیچه، ملی بیرلیک حکومتی نینگ اجرایی باشلیغی عبدالله عبدالله گه «بیلیم، فکر و برنامه خصوصیده، جمهور رئیس غنی بیلن رقابت قیلیش کوچی یوق و جناب عبدالله اوتگن تورت ییل جریانیده جمهور رئیس صحبت‌لریدن فایده‌لنیش اوچون صورت تاپگن ییغین‌لرده اوزی بیلن قلم و کتابچه آلیب کیلمه‌گن.»
جمهورلیک ریاستی نینگ فرهنگی بولیمی مصلحتچی‌سی شاه‌حسین مرتضوی نینگ بوتوغریده سلام‌وطندارگه ایتیشیچه، فیسبوک آرقه‌لی، فکر بیلدیریش و سیلش اوچون قانونی لحاظ دن هیچ‌قندی قیین‌چیلیک یوق دیر.
جناب مرتضوی نینگ عبدالله عبدالله گه قرشی یازیشی توغریسیده ایتیشیچه، جناب عبدالله اونگه قرشی صحبت قیلگن و او هم جواب قیترگن.
جمهور رییس ییریک مصلحتچی‌سیگه کوره، دولت بیر ایشلاوچی‌سیگه آواز بیریش و فکر بلدیریش خصوصیده حقی بار دیر.
بیراق، سیلاو لایحه‌سیدن نظارت قیلیووچی نهادلر، جناب مرتضوی نینگ بو حرکتیدن تنقید قیلیب و بو توغریده دقت ایتیلیشی‌نی سوره‌گنلر.
افغانستان بوییچه ایرکین و عدالت‌لی سیلاو قوریلمه‌سی یا-ده «فیفا» باشلیغی یوسف رشید نینگ ایتیشیچه، بونده‌ی وضعیت‌لر جدی شکلده تیکشیریلمه‌گن صورتده، بو موضوع بیر فرهنگ‌گه اوزگریله‌دی.
عین‌حالده، سیلاولر شکایت‌لرینی تینگلش کمیسیونی سوزلاوچیسی قاسم الیاسی نینگ ایتیشیچه، بو کمیسیونی نینگ کابل ولایتی دفتریده جناب مرتضوی و باشقه سیلاو تیم‌لریدن شکایت درج ایتیلگن.
جناب الیاسی‌گه کوره، حاضرگه‌قدر بو توغریده توصیه و اصلاحی حرکت‌لر صورت تاپگن دیر.
بوندن آلدین جمهورلیک ریاستی سوزلاوچیسی صدیق صدیقی، دولت ایشلاوچی‌لری سیلاو کمپاین‌لریده فعالیت قیلگن صورتده، اولر بیلن قانونگه کوره یول باریلیشی مملکن‌لیگی‌نی ایتگن ایدی.
